Mazamure Maxaafaa 100:3 - Wolaytta Bible

³ GODAI Xoossaa gidiyoogaa erite; nuna medhdhidaagee a; nuuni aageeta. Nuuni a asatanne a qooruwan de7iya dorssata.

Mazamure Maxaafaa 100:3 Iomraidhean Croise

Kawotu Maxaafaa Naa77anttuwaa 19:19

Abeet GODAU, ne xalaalai Xoossaa gidiyoogaa sa7aa kawotettati ubbai erana mala, ha77i simmi, GODAU, nu Xoossau, neeni nuna a kushiyaappe wotta ekka!” yaagidi woossiis.

Hanidabaa Odiya Koiro Maxaafaa 16:14

I GODAA nu Xoossaa; a pirddaikka sa7aa ubbaa bollaana.

Iyyooba Maxaafaa 10:3

Neeni tana huqqunnanau bessii? Neeni ne kushiyan medhdhido uraa kariyoogee, qassi iitatu halchchuwaa polissiyoogee lo77oo?

Mazamure Maxaafaa 119:73

Tana ne kushee medhdhiisinne giigissiis. Ne azazuwaa taani tamaarana mala, taayyo akeekaa imma.

Mazamure Maxaafaa 149:2

Israa7eela asati banttana medhdhidaagan ufaittona. Xiyoone asati bantta kawuwan keehippe ufaittona.

Mazamure Maxaafaa 46:10

Co77u giite; taani Xoossaa gidiyoogaa erite. Taani kawotettatu giddon xoqqais. Qassi biittaa bollankka xoqqais.

Mazamure Maxaafaa 78:52

SHin i ba asaa dorssadan kessiis; wudiyaadan bazzon heemmiis.

Mazamure Maxaafaa 79:13

He wode nuuni ne asati, ne wudiyaa dorssati, merinau galataa neeyyo immana; yeletaappe yeletaa gakkanaayyo nena zaari zaaridi galatana.

Mazamure Maxaafaa 95:3

Aissi giikko, GODAI wolqqaama Xoossaa, xoossatu ubbaa bolli wolqqaama kawo.

Kessaabaa 6:7

Taani inttena ta huuphe asadan ekkananne taani intte Xoossaa gidana. He wode intte taani GODAA intte Xoossaa inttena Gibxxetu ailletettaappe kessidaagaa gidiyoogaa erana.

Eranchchaa Maxaafaa 12:1

Ne yelagatettaa laittan nena Medhdhidaagaa qoppa. Metiya gallassati yeennan de7ishin, neeni, “Tana hagee ufaissenna” giyo wodeti gakkennan de7ishin,

Isiyaasa 63:11

Hegaappe guyyiyan asai benibaa, i ba ashkkaraa Muuse wode oottidobaa hassayidi, hagaadan yaagiis; “Ba wudiyaa henttanchchatuurakka ubbaa abbaa giddoora kanttissidi kessidaagee awan de7ii? Qassi he wode ba Geeshsha Ayyaanaa eta giddon wottidaagee ha77i awan de7ii?

Isiyaasa 63:19

Neeni beniisappe haarabeenna asaadaaninne ne sunttankka xeesettibeenna asaadan nuuni hanida.

Isiyaasa 64:7

Ne sunttaa xeesiyai, woikko nena mintti oikkanau koyiyai baawa. Aissi giikko, neeni ne sinttaa nuuppe genttadasa; nuna nu nagaraa gishshau, agga bayadasa.

Ermmaasa 10:10

SHin GODAI tumu Xoossaa; i de7o Xoossaanne merinaa Kawuwaa. A hanqquwan biittai qaaxxees; kawotettatikka a yiilluwaa danddayokkona.

Hizqqeela 34:11

“'Aissi giikko, Ubbaa Haariya GODAI hagaadan yaagees; “Taani ta huuphen ta dorssata xomoosananne koyana.

Yohaannisa 17:3

Asai nena issi Xoossaa gididaagaa erana malanne, qassi neeni kiittido Yesuus Kiristtoosa erana mala, hagee merinaa de7o.

Naa77antto Qoronttoosa 4:6

Aissi giikko, “Xumaappe poo7oi poo7ana” giida Xoossai nu wozanan ba poo7uwaa poo7issiis; qassi i ba bonchcho eratettaa poo7uwaa Kiristtoosa sinttan poo7iyaagaa nuuyyo immanau poo7issiis.

Efisoona 2:10

Aissi giikko, nuuni Xoossaa mereta; i nuuyyo kasetidi giigissi wottido lo77o oosuwaa nuuni oottanaadan, Kiristtoos Yesuusa baggaara nuna medhdhiis.

Zaarettido Wogaa 32:15

“Yaanidi Israa7eeli orddiis; makkaliis; mii miidi, boborcciis. Bana medhdhida Xoossaa aggiis; ba Atotettaa Zaallaa bollankka qilliicciis.

Zaarettido Wogaa 32:6

Inttenoo eeyyanne akeeki bainna asau, intte GODAAYYO immiyo zaaroi hagee? I inttena medhdhida intte Aawaa gidennee? I inttena medhdhidi, mintti essiis.

Zaarettido Wogaa 4:35

GODAI Xoossaa gidiyoogaa intte erana mala, hegaa i inttena bessiis; appe attin hari baawa.

Zaarettido Wogaa 4:39

“Simmi yaakko, bolla saluwan gidin, garssa sa7an gidin, GODAI Xoossaa gidiyoogaa erite; intte wozanankka wottite; hara xoossi baawa.

Zaarettido Wogaa 7:9

Hegaa gishshau, GODAI intte Xoossai Xoossaa gidiyoogaa erite. I bana siiqiyaageetuyyoonne ba azazuwaa naagiyaageetuyyo sha7u yeletaa gakkanaashin, ba aggenna siiquwaa maachchaa naagiya, ammanettiya Xoossaa.

Koiro PHeexiroosa 2:25

Aissi giikko, intte oge balida dorssa mala; shin ha77i intte shemppuwaa heemmiyaagaakkonne naagiyaagaakko simmideta.

Koiro PHeexiroosa 2:9

SHin Xoossai xumaappe garamissiya ba poo7uwau inttena xeesiis; intte a ooratta oosuwaa yootanau doorettida zare; intte kawo qeeseta; geeshsha asanne Xoossaassi buzo asa.

Koiro PHeexiroosa 4:19

Hegaa gishshau qassi, Xoossai giidoogaadan waayettiyaageeti lo77obaa oottiiddi, bantta shemppuwaa hadaraa banttana medhdhida ammanettiya Xoossau immona.

Koiro Yohaannisa 5:20

Nuuni tumu Xoossaa eranaadan, Xoossaa Na7ai yiidoogaanne nuuyyo akeekaa immidoogaa eroos. Nuuni tumu Xoossaa giddon, a Na7aa Yesuus Kiristtoosa giddon de7eettees; i tumu Xoossaanne merinaa de7uwaa.