Mazamure Maxaafaa 1:4 - Wolaytta Bible

⁴ SHin iitati hegaa mala gidokkona; carkkoi pitti efiyo suullaa mala.

Mazamure Maxaafaa 1:4 Iomraidhean Croise

Iyyooba Maxaafaa 21:18

Carkkuwaa sinttan eti suullaadan hanido wodee de7ii? Gotee pitti efiyo baanaadan eti hani eriyoonaa?

Iyyooba Maxaafaa 8:13

Xoossaa dogiya asaa ubbaa wurssettai hegaa mala; Xoossai bainna uraa hidootaikka xayana.

Mazamure Maxaafaa 35:5

GODAA kiitanchchai eta yedettiyo wode, eti carkkuwaa sinttan de7iya suullaadan hanona.

Mazamure Maxaafaa 37:36

SHin taani he sohuwaara simmada kanttiyo wode i xayiis; koyinkka i beettibeenna.

Isiyaasa 17:13

Kawotettati daro haattatu gunttaadan guummoosona; shin GODAI eta seerana; seerin eti deriyaa huuphiyan de7iya suullai carkkuwan denddiyoogaadaaninne gotee denttiyo baanaadan, yedetettidi, haahosaa baqatana.

Isiyaasa 29:5

SHin ne morkketi liiqo baana keena coranne ne meqetti bainnaageetu qoodaikka carkkoi efiyo suullaa keena daro gidana. Qoppennan de7ishin eesuwan,

Ermmaasa 13:24

GODAI hagaadan yaagees; “Taani inttena bazzo carkkoi efiyo suullaadan laalana. Intte saamai, taani intteyyo gattana basoi hagaa. Intte tana dogido gishshaunne worddo xoossatun ammanettido gishshau,

Hoose7a 13:3

Hegaa daafan eti maallado shaaraa mala, woikko guuran qolettiya maallado xaazaa mala woikko carkkoi audiyaappe denttidi efiyo suulla mala woikko maskkootiyaara kiyiya cuwa mala gidana.

Maatiyoosa 3:12

A kushiyan kattaa suraggiyo laidai de7ees. Kattaa qoxxiyo audiyaa keehi geeshshees; ba gisttiyaa gootaran qolana; shin dalaa to77enna taman xuuggana” yaagiis.