Maatiyoosa 23:9 - Wolaytta Bible

⁹ Ha sa7an oonanne ‘Aawa’ giidi xeesoppite; aissi giikko, intteyyo saluwan de7iya issi Aawai de7ees.

Maatiyoosa 23:9 Iomraidhean Croise

Kawotu Maxaafaa Naa77anttuwaa 13:14

Elssaa7i bana woriya harggiyaa harggiyo wode, Israa7eela Kawoi Yo7aashi a be7anau biidi, “Ta aawau; ta aawau! Neeni Israa7eela asau wolqqanne gonddalle!” yaagidi yeekkiis.

Kawotu Maxaafaa Naa77anttuwaa 2:12

Elssaa7i hegaa be7idi, “Ta aawau, Ta aawau! Neeni Israa7eela asau wolqqanne gonddalle shin!” yaagidi waassiis. Hegaappe simmin, i Eelaasa mulekka be7ibeenna. Elssaa7i hegan azzanidi, ba maayuwaa naa77u kessidi, pooshshi oliis.

Kawotu Maxaafaa Naa77anttuwaa 6:21

Israa7eela kawoi eta be7ido wode Elssaa7a, “Ta aawau, taani eta woroo? Taani eta woroo?” yaagidi oichchiis.

Milkkiyaasa 1:6

Ubbaappe Wolqqaama GODAI hagaadan yaagees; “Inttenoo, ta sunttaa kaushshiya qeesetoo, na7ai ba aawaa, ashkkaraikka ba godaa bonchchees. Yaatin, taani intteyyo aawaa gidikko, intte tana bonchchiyo bonchchoi anee? Qassi taani intteyyo goda gidikko, intte taassi yayyiyo yashshai anee? “Intte ta sunttaa kaushshideta; yaatidi qassi, 'Nuuni ne sunttaa waatidi kaushshidoo?' yaageeta.

Maatiyoosa 23:10

Issoi issuwaa, ‘Godau’ giidikka xeesoppite; aissi giikko, intteyyo issi Godai, Kiristtoosa xalaalai de7ees.

Maatiyoosa 6:32

Aissi giikko, he ubbabaa Xoossaa ammanennaageeti darissidi koyoosona; he ubbai inttena koshshiyoogaa saluwan de7iya intte Aawai erees.

Maatiyoosa 7:11

Intte iita gidiiddi, intte naatussi lo77obaa immiyoogaa erikko, yaatin, saluwan de7iya intte Aawai bana woossiyaageetussi lo77obaa waati darissidi immanddeeshsha!

Yesuusi Kiittidoogeetu Oosuwaa 22:1

“Ta ishatoo, ta aawatoo, taani ha77i inttessi yootiyo yohuwaa siyite” yaagiis.

Koiro Qoronttoosa 4:15

Aissi giikko, Kiristtoosan inttena dichchiya tammu sha7u asai inttessi de7ikkokka, inttessi issi aawaappe hari baawa. Aissi giikko, taani wonggeliyaa inttessi ehiidoogan, Kiristtoos Yesuusan inttessi aawa gidaas.

Naa77antto Qoronttoosa 6:18

Qassi taani intteyyo aawa gidana; inttekka taayyo attuma naatanne macca naata gidana. Taani Ubbaappe Wolqqaama Godai hagaa odais” yaagiis.

Ibraawe 12:9

Hegaa bollan qassi, nuna yelida nu aawati nuna qaxxayido wode, nuuni eta bonchchida. Yaatin, nuuni waanidi ayyaanatu Aawaayyo keehi darissi haarettidi de7okkonii?

Koiro Yohaannisa 3:1

Nuuni Xoossaa naata geetettidi xeesettana mala, Xoossai nuna ai keenaa siiqidaakkonne be7ite. Nuuni tumukka a naata. Ha sa7ai Xoossaa erenna gishshau, nunakka erenna.