Maatiyoosa 13:3 - Wolaytta Bible

³ Asaassi leemisuwan darobaa hagaadan yaagidi yootiis; “Issi bitanee zerettaa zeranau kiyiis.

Maatiyoosa 13:3 Iomraidhean Croise

Mazamure Maxaafaa 49:4

Ta haittaa leemisuwaakko yeggana; diittaa diixxaidda, taani a birshshettaa qonccissana.

Mazamure Maxaafaa 78:2

Taani etayyo haasayiyo wode, leemisuwan haasayais; beniisappe geemmida yohota, nuuni siyidonne erido yohota, qassi nu aawati nuuyyo yootido yohota haasayana.

Hizqqeela 17:2

“Laa asa na7au, Israa7eela asaa qan77ishiyaa qan77isha; etau leemisuwan yoota.

Hizqqeela 20:49

Yaagin taani zaarada, “Hai Ubbaa Haariya GODAU, hagaa ta yootanau tana azazoppa. Eti tana, 'I ubbatoo leemisuwaa odees gidennee?' yaagidi haasayoosona” yaagaas.

Mikiyaasa 2:4

He gallassi eti intte bollan leemisi leemisidi qilliiccana; qassi hagaadan yaagidi zilaaliiddi, inttena baceessana; 'Nuuni ubbaikka muleera xayida. GODAI nu biittaa ekkidi, makkalanchchatussi shaakki shaakkidi immirggiis' yaagana” yaagees.

Imbbaaqooma 2:6

“Omoodettida asai banttana omooddidaagaa keehippe borananne qilliiccana. Eti hagaadan yaagana; 'Babaa gidenna miishshaa shiishshidi koriyaagaunne aco asaappe wolqqan ekkido aquwan duretiyaagau aayye7ana! Hagee hagaadan haniiddi, aude gakkanaashin de7anee?' yaagana.

Maatiyoosa 13:4

I zerishin, issi issi zerettai ogiyaa doonan wodhdhiis; wodhdhidaagaa kafoi yiidi miis.

Maatiyoosa 13:53

Yesuusi ha leemisota yootidi wurssidoogaappe guyyiyan, hegaappe denddidi,

Maatiyoosa 22:1

Yesuusi asaayyo naa77anttuwaa leemisuwan hagaadan yaagidi haasayiis;

Maatiyoosa 24:32

“Leemisuwaa balasiyo giyo mitteeppe akeekite; balasiyaa aaciyo wodenne i tashee bonccottiyo wode, bonee matattidoogaa intte erana.

Marqqoosa 12:1

Yesuusi etayyo oduwaa leemisuwan yaagidi doommiis; “Issi bitanee woiniyaa giyo turaa tokkidi, dirssaa yuushshi aattidi diriis; qassi he woiniyaa gum77iyo ollaakka bookkiis; hegaa naagiya asaayyo adussa shuchchaa gimbbiis; hegaappe guyyiyan, kottaa oottiya asau immidi, hara dere biis.

Marqqoosa 12:12

Qeese halaqati, higgiyaa tamaarissiyaageetinne cimati Yesuusi he leemisuwaa banttanan leemisidoogaa erido gishshau, a oiqqanau koyidosona; shin asau yayyidi, aggi bayidi biidosona.

Marqqoosa 3:23

Yesuusi asaa baakko xeesidi, leemisuwaa yootiiddi, “Seexaanai Seexaanaa waati kessanau danddayii?

Marqqoosa 4:13

Yesuusi eta, “Ha leemisuwaa erekketii? Yaatin, leemiso ubbaa waati eruuteetii?

Marqqoosa 4:33

Yesuusi hagaa mala daro leemisuwan asau gelana gakkanaassi, ba qaalaa yootiis.

Luqaasa 12:41

PHeexiroosi a, “Godau, neeni ha leemisuwaa nuussi odaiyye ubbaassi odai?” yaagiis.

Luqaasa 8:10

Oichchin, i hagaadan yaagiis; “Inttessi Xoossaa kawotettaa xuuraa erai imettiis, shin harati xeellidi be7enna mala, siyidikka akeekenna mala, taani leemisuwan haasayais.

Yohaannisa 16:25

“Hagaa taani intteyyo leemisuwan yootaas; shin taani leemisuwan yootenna wodee yaana; shin Aawaabaa taani intteyyo qoncciyan odana.