Maatiyoosa 11:25 - Wolaytta Bible

²⁵ Yesuusi he wode zaaridi, hagaadan yaagiis; “Ta Aawau, saluwaa sa7aa Godau, neeni hagaa aadhdhida eranchchatuppenne akeekanchchatuppe genttada, erenna naatussi qonccissido gishshau, nena galatais;

Maatiyoosa 11:25 Iomraidhean Croise

Maatiyoosa 21:16

Hanqqettidi Yesuusa, “Hageeti giyoogaa siyai?” yaagidosona. Yesuusi, “Ee siyais; Xoossaa maxaafai, ‘Guutta naatinne xammiya naati nena galatana mala, eta erissadasa’ yaagiyaagaa mulekka nabbabibeekketii?” yaagiis.

Mazamure Maxaafaa 8:2

Neeni ne morkketu gishshau ne baarigaaraanne neeyyo manddiyaagaa sirphphi oottanau, guutta naatu doonan xammiya naatu doonan galataa kunttadasa.

Maatiyoosa 16:17

Yesuusi zaaridi, hagaadan yaagiis; “Yoona na7aa Simoonaa, hagaa neessi saluwan de7iya ta Aawai erissidoogaappe attin, asi ooninne nena erissibeenna gishshau, neeni anjjettidaagaa.

Naa77antto Qoronttoosa 3:14

SHin eta wozanai dammiis; aissi giikko, eti Gal77a Maachchaa nabbabiyo wode, hachchi gakkanaassikka, he naxalai eta wozanaa kammi wottiis; ooninne Kiristtoosaara gaittiyo wode xalaalan he naxalai kichchees.

Yesuusi Kiittidoogeetu Oosuwaa 17:24

“Sa7aanne sa7an de7iya ubbabaa medhdhida Xoossai saluwaanne sa7aa Godai, asi keexxido Beeta Maqidasiyan de7enna.

Yohaannisa 11:41

Eti shuchchaa denttidosona; denttin Yesuusi saluwaa pude xeellidi, “Aawau, taani giyoogaa neeni siyido gishshau, nena galatais.

Daaneela 2:23

Abeet ta maizza aawatu Xoossau, taani nena galataisinne sabbais. Aissi giikko, neeni taayyo aadhdhida eraanne wolqqaa immadasa. Nuuni nena oichchidoogaa tana ha77i erissadasa. Kawuwaa aimuwaa nuna erissadasa” yaagiis.

Isiyaasa 66:1

GODAI hagaadan yaagees; “Saloi ta kawotaa araata; sa7aikka ta tohoi yedhdhiyo soho. Yaatin intte taayyo keexxana keettai ai mala keettee? Taani shemppana sohoinne awaanee?

Luqaasa 22:42

Xoossaa, “Ta Aawau, neeni koyiyoobaa gidikko, ha burccukkuwaa taappe digga; shin neeni koyiyoobai hanoppe attin, taani koyiyoobai hanoppo” yaagidi woossiis.

Daaneela 4:35

Sa7an de7iya asai ubbai ayyo aibanne gidenna. Saluwan de7iya kiitanchchatu bollinne sa7an de7iya asaa bolli i ba dosaa oottees. A kushiyaa teqqanau danddayiyaabi baawa, woikko a 'Ai oottai?' yaagidi oichchiyaabi baawa.

Isiyaasa 5:21

Banttana, “Taani aadhdhida eranchcha! Taani cincca gidikkinaa!” yaagi qoppiyaageetuyyo aayye7ana!

Hanidabaa Odiya Koiro Maxaafaa 29:13

Ha77ikka nu Xoossau, nuuni nena galatoos; ne bonchcho sunttaakka sabboos.

Kawotu Maxaafaa Naa77anttuwaa 19:15

Yaatidi GODAA hagaadan yaagidi woossiis; “Abeet GODAU, kiruubetuppe gidduwan uttiya Israa7eela Xoossau, sa7aa kawotettatu ubbaa bolli ne xalaalai Xoossaa. Saluwaanne sa7aa neeni medhdhadasa.

Sameela Maxaafaa Koiruwaa 2:18

SHin Sameeli na7atettan de7iiddi, liinuwaa giyo kiriyaappe dadettida eefuude giyo maayuwaa maayidi, GODAAYYO oottees.

Doomettaabaa 14:22

SHin Abraami Sadooma kawuwaa, “Taani GODAASSI, Ubbaappe Xoqqiya Xoossaassi, saluwaanne sa7aa medhdhidaagaassi, ta kushiyaa denttada caaqqaichchaas.

Doomettaabaa 14:19

I Abraama hagaadan yaagidi anjjiis; “Ubbaappe Xoqqiya Xoossai, saluwaanne sa7aa medhdhidaagee Abraama anjjo;

Iyyooba Maxaafaa 37:24

Hegaa gishshau, asai ayyo yayyees; banttana aadhdhida eranchcha giyaageeta ubbata i wudenna” yaagiis.

Luqaasa 23:34

Yesuusi, “Ta Aawau, eti bantta oottiyoogaa erenna gishshau, eta nagaraa atto ga” yaagiis. A maayuwaa shaakkidi, saamaa yeggidosona.

Yohaannisa 12:27

“Ha77i ta shemppoi daro un77ettiis; yaatin woigoo? Taani, ‘Ta Aawau, tana ha saateeppe ashsharkkii’ yaagoo? CHii, taani ha saatiyan yiidoogee hagaa gishshassa.

Yohaannisa 12:28

Ta Aawau, ne sunttaa bonchcha” yaagiis. He wode saluwaappe, “Taani ta sunttaa bonchchaas; qassikka gujjada bonchchana” yaagiya qaalai yiis.

Koiro Qoronttoosa 2:10

Xoossai ba xuura yohuwaa ba Ayyaanan nuna erissiis; aissi giikko, Geeshsha Ayyaanai Xoossaabaa harai atto geemettida yohuwaara ubbaa qorees.