Maatiyoosa 10:16 - Wolaytta Bible

¹⁶ “Be7ite! Taani inttena dorssaa wanggireello giddo yeddiyoogaadan yeddais. Hegaa gishshau, shooshshadan cincca gidite; qassi haraphphedan, ashkke gidite.

Maatiyoosa 10:16 Iomraidhean Croise

Doomettaabaa 3:1

SHooshshai GODAI Xoossai medhdhido do7a ubbaappe aadhdhida genanchcha. Issi gallassi shooshshai he maccaasiyo, “Xoossai tumu inttena, 'Gannatiyan de7iya mitta teeraa ubbaappekka mooppite' giidee?” yaagidi oichchiis.

Doomettaabaa 3:13

GODAI Xoossai hegaappe guyyiyan maccaasiyo, “Neeni hegaa aissi oottadii?” yaagidi oichchiis. Yaagin maccaasiyaa, “Tana shooshshai cimmin maas” yaagaasu.

Nahimiyaa Maxaafaa 4:13

Hegaa gishshau, nu asaappe bisuwaa, tooraanne wonddafiyaa oiqqida asaa eta zariyan zariyan maarayada, oosoi wuribeenna heeran gimbbiyaappe zokko baggaara naaganaadan wottaas.

Ermmaasa 40:16

SHin Ahiqaama na7ai Gadaalee zaaridi, hagaadan yaagiis; “Isimaa7eelabaa neeni odiyoobai ubbai worddo gidiyo gishshau, hegaa malabaa oottoppa” yaagiis.

Hoose7a 7:11

“Efireema asai qofi bainna eeyya haraphphe mala. Maaduwaa demmanau issiton Gibxxe xeesees; issiton qassi Asoorekko simmees.

Maatiyoosa 24:25

Be7ite, taani intteyyo hegaa kasetada yootaas.

Maatiyoosa 24:45

“Yaatin, ba so asau qumaa koshshiyo wodiyan immana mala, a godai sunttido ammanettida wozannaama ashkkari oonee?

Maatiyoosa 25:2

Etappe ichchashati eeyya; qassi ichchashati cincca.

Maatiyoosa 25:4

SHin cinccati bantta kuraaziyaanne xaaramusiyan lambbaa oiqqidosona.

Maatiyoosa 25:9

“SHin cinccati zaaridi eta, ‘CHii, nuuyyoonne intteyyo gidenna; hegaa gishshaa intteyyo baizziyaageetukko biidi shammi ekkite’ yaagidosona.

Luqaasa 10:3

Ha77i biite; taani inttena wanggireello giddon de7iya dorssa maraadan yeddais.

Luqaasa 21:15

Aissi giikko, intte morkketuppe ooninne inttenaara eqettanaunne palamettanau danddayenna haasayaa minotettaanne aadhdhida eratettaa taani inttessi immana.

Yesuusi Kiittidoogeetu Oosuwaa 20:29

Taani biidoogaappe guyyiyan, wudiyaassi qarettenna iita wanggireelloti intte giddo gelanaagaanne, kaalliyaageetakka bantta geeduwaa kaalettanau wordduwaa haasayiya asati intte giddoppe denddanaagaa erais.

Koiro Qoronttoosa 14:20

Ta ishatoo, intte iita yohuwan yiira mala gidanaappe attin, qofan na7a mala gidoppite; intte wozanaa qofan wozannaamata gidite.

Naa77antto Qoronttoosa 1:12

Nuuni ceeqettiyoogee hagaa; ha sa7an nuuni de7iyo de7oi, ubba qassi inttenaara nuuyyo de7iya issippetettai Xoossaa aaro kehatettaanappe attin, asa aadhdhida eratettaana gidennaagaa, qassi Xoossai immido geeshshatettaaninne suuretettan nuuni de7iyoogaa nuna zoriya wozanai nuuyyo markkattees.

Naa77antto Qoronttoosa 11:14

Hegee garamissiyaabaa gidenna; aissi giikko, Seexaanai ba huuphen poo7o kiitanchcha milatanau ba meraa laammees.

Naa77antto Qoronttoosa 11:3

SHin shooshshai ba geniyaara Hewaano balettidoogaadan, Kiristtoosayyo intte immido intte suure qofai moorettibeennaagee wora biichchanaakkonne gaada hirggais.

Naa77antto Qoronttoosa 8:20

Nuuni oottiyo ha keha imuwaa gishshau, ooninne nuna borenna mala naagettoos.

Qolasiyaasa 1:9

Hegaa gishshau, nuuni qassi hegaa siyido gallassaasappe doommidi, Xoossai intteyyo ba sheniyaa eriyo eratettaa, Xoossaa Ayyaanai immiyo aadhdhida eratettaaranne akeekaara issippe kunttidi immanaadan, ubba wode balennan Xoossaa woossoos.

Qolasiyaasa 4:5

Intteyyo de7iya wodiyaa go77i bainnasan xaissennan, ammanennaageetu matan hayyottidi de7ite.

Koiro Tasalonqqe 2:10

Nu de7oi intte matan, ammaniyaageetu matan, geeshsha, xillonne borettennaagaa gidiyoogau intte markka; qassi Xoossaikka markka.

Koiro Tasalonqqe 5:22

Iita ooso ubbaappe haakkite.