Luqaasa 9:56 - Wolaytta Bible

⁵⁶ Taani Asa Na7ai, asa shemppo ashshanau yiidoogaappe attin, bashshanau yabeikke” yaagiis. Eti harasan de7iya qeeri katamaa biidosona.

Luqaasa 9:56 Iomraidhean Croise

Maatiyoosa 18:10

“Intte ha guuttatuppe issuwaanne karenna mala, inttena naagite; aissi giikko, taani intteyyo odais; saluwan eta kiitanchchati ubba wode, saluwan de7iya ta Aawaa sinttan de7oosona.

Maatiyoosa 18:11

Aissi giikko, taani, Asa Na7ai, bayidaagaa ashshanau yaas.

Maatiyoosa 20:28

Hegaadan taani, Asa Na7ai, asaayyo oottanaunne daro asaa wozanau ta shemppuwaa immanau yiidoogaappe attin, asi tau oottanau yabeikke” yaagiis.

Maatiyoosa 5:39

SHin taani intteyyo odais; intteyyo iitabaa oottiya uraa diggoppite; ooninne ne ushachcha bagga qinxxalliyaa baqqikko, ne haddirssa bagga qinxxalliyaakka a bessa;

Luqaasa 19:10

Aissi giikko, taani Asa Na7ai, bayidaagaa koyanaunne ashshanau yaas” yaagiis.

Luqaasa 22:51

SHin Yesuusi, “Aggite” yaagidi, a haittaa bochchidi pattiis.

Luqaasa 23:34

Yesuusi, “Ta Aawau, eti bantta oottiyoogaa erenna gishshau, eta nagaraa atto ga” yaagiis. A maayuwaa shaakkidi, saamaa yeggidosona.

Luqaasa 9:55

SHin guyye simmidi eta, “Aggite, inttessi ai mala ayyaani de7iyaakko erekketa.

Luqaasa 9:57

Eti ogiyaara biishin, issi bitanee a, “Godau, neeni biyoosaa ubbaa taani nena kaallana” yaagiis.

Yohaannisa 10:10

Kaisoi wuuqqanau, woranaunne xaissanau yiyoogaappe attin, harabau yeenna; taani etau de7oi de7ana malanne kumidi palahana mala yaas.

Yohaannisa 12:47

Ta qaalaa siyidi azazettenna uraa oonanne taani pirddikke; aissi giikko, taani sa7aa ashshanau yiidoogaappe attin, pirddanau yabeikke.

Yohaannisa 3:17

Aissi giikko, Xoossai ba Na7aa ha sa7aa pirddanau kiittibeenna; shin sa7aa a baggaara ashshanau kiittiis.

Roome 12:21

Iitabaa lo77oban xoonappe attin, iitabai nena xoonoppo.

Koiro Ximootiyoosa 1:15

Kiristtoos Yesuusi nagaranchchata ashshanau ha sa7aa yiis giyo haasayai ammanettidaagaanne asai ubbai tuma giidi ekkanau bessiyaabaa. Ubbaappe aadhdhiya nagaranchchai tana.