Luqaasa 6:35 - Wolaytta Bible

³⁵ shin Xoossai bana galatennaageetussikka iitatussikka keha gidido gishshau, intte morkketa siiqite; etayyo lo77obaa oottite; qassi ainne guyye ekkanau qoppennan tal77ite; intte ekkana woitoi darana. Qassi intte Ubbaappe Bolla Xoossaa naata gidana.

Luqaasa 6:35 Iomraidhean Croise

Mazamure Maxaafaa 112:5

Kehatettan coo tal77iya uraayyo, ba oosuwaa suuretettan oottiya uraayyo kehabai yaana.

Mazamure Maxaafaa 145:9

GODAI ubbau keha; i ba medhdhido ubbau qarettiyaagaa.

Mazamure Maxaafaa 37:26

I ubba wodekka keha; coo tal77ees. A zaretikka anjjo gidana.

Mazamure Maxaafaa 58:11

He wode asai, “Tumakka xillotussi woitoi de7ees; tumakka sa7aa bolli pirddiya Xoossi de7ees” yaagana.

Leemiso Maxaafaa 19:17

Hiyyeesaassi kehiya asi GODAASSI tal77ees; GODAI he lo77o oosuwaa acuwaa qanxxees.

Leemiso Maxaafaa 22:9

Keha asi ba qumaappe hiyyeesau coo immiyo gishshau anjjettana.

Maatiyoosa 5:9

Asa sigettiyaageeti anjjettidaageeta; aissi giikko, Xoossai eta, ba naata giidi xeesana.

Marqqoosa 5:7

He bitanee ba qaalaa xoqqu oottidi, “Ubbaappe Bolla Xoossaa Na7au Yesuusaa, nenanne tana aibee gattiyai? Tana qaxxayenna mala, taani nena Xoossaa sunttan woossais” yaagiis.

Luqaasa 1:32

I gita gidana; qassi Ubbaappe Bolla Xoossaa Na7a geetettana; Godai ayyo a aawaa Daawita kawotettaa immana;

Luqaasa 6:36

Intte Aawai Xoossai maariyoogaadan maarite.

Yohaannisa 13:35

Intte issoi issuwaara siiqettikko, ta erissiyo ashkkarata gidiyoogaa asai ubbai erana” yaagiis.

Yohaannisa 15:8

Intte daro aifiyaa aifikkonne qassi ta erissiyo ashkkarata gidikko, hegan ta Aawai bonchchettana.

Yesuusi Kiittidoogeetu Oosuwaa 14:17

Intteyyo iraa saluwaappe bukissees; kattaakka i wodiyan immees; qassi qumaa immidi, inttena daro ufaissees; yaatidi intteyyo lo77obaa oottiiddi, ubba wodekka bau markka xayibeenna” yaagidosona.

Naa77antto Qoronttoosa 8:9

Aissi giikko, intte nu Godaa Yesuus Kiristtoosa aaro kehatettaa ereeta; Kiristtoosi dure gidi uttidi, intte a hiyyeesatettan duretanaadan, intte gishshau hiyyeesiis.

Naa77antto Ximootiyoosa 3:2

Aissi giikko, asati banttana siiqiyaageeta, miishshaa siiqiyaageeta, ceeqettiyaageeta, ayyiyaageeta, cayiyaageeta, banttana yelidaageetuyyo azazettennaageeta, galatennaageeta, geeshshatetti bainnaageeta,