Luqaasa 5:21 - Wolaytta Bible

²¹ Yaagin, higgiyaa tamaarissiyaageetinne Parisaaweti, “Laa hagee Xoossaa bolli iitabaa haasayiyaagee oonee? Xoossaa xalaalaappe attin, harai ooni nagara atto gaanau danddayii?” yaagidi, bantta giddon qofaa doommidosona.

Luqaasa 5:21 Iomraidhean Croise

Mazamure Maxaafaa 103:3

I ta nagaraa ubbaa atto gees; i ta harggiyaa ubbaappe tana pattees.

Mazamure Maxaafaa 130:4

SHin nuuni nena bonchchidi azazettana mala, nuuyyo atto yaagaasa.

Mazamure Maxaafaa 32:5

Taani ta nagaraa neessi paaxaas; ta iitatettaakka neeppe genttabeikke; “Ta mooruwaa GODAASSI paaxana” gaas. Yaatin, neeni tana deexxida nagaraa atto yaagadasa.

Mazamure Maxaafaa 35:5

GODAA kiitanchchai eta yedettiyo wode, eti carkkuwaa sinttan de7iya suullaadan hanona.

Isiyaasa 1:18

Qassikka GODAI, “Haayite; ane zorettoos. Intte nagarai baaraadan zo77ikkokka, shachchaadan booxxana; sinadan zo77ikkokka, puuttodan booxxana.

Isiyaasa 43:25

“Tana, ne mooruwaa ta gishshau gaada qucciyai tanattennee; ne nagaraakka zaarettada hassayikke.

Isiyaasa 44:22

Taani ne mooruwaa shaaraadan, ne nagaraakka ciggaaraadan quccaas. Taani nena wozido gishshau, taakko simma” yaagees.

Daaneela 9:19

“Abeet Godau, siya! Abeet Godau, atto ga! Abeet Godau, ezgganne ootta! Ne katamainne ne asai ne sunttan xeesettido gishshau, abeet ta Xoossau, ne sunttaa gishshau gam77oppa” yaagaas.

Daaneela 9:9

SHin nuuni ayyo makkalidabaa gidikkokka, Godai nu Xoossai maariyaagaanne atto yaagiyaagaa.

Wogaabaa 24:16

GODAA sunttaa cayiya asi haiqqo; Israa7eela asaa maabarai ubbai a shuchchan caddo. Betidi yiidaagaa gidin woi biitta asa gidinkka GODAA sunttaa cayikko haiqqo.

Mikiyaasa 7:19

Neeni nuuyyo qassikka qarettana; nu naaquwaa ne tohuwan yedhdhana; ee nu nagaraakka abbaa ciimman olana.

Maatiyoosa 26:65

Hegaappe guyyiyan, qeese ubbatu halaqai ba maayuwaa pooshshi olidi, “Hagee cayiichchiis; nuna hagaappe sinttan aissi hara markka koshshii? I ha77i cayiyoogaa intte siyideta.

Maatiyoosa 9:3

Yaagin higgiyaa tamaarissiyaageetuppe issooti issooti bantta wozanan, “Laa ha bitanee Xoossaa bolli iitabaa haasayeesittennee!” yaagidosona.

Luqaasa 3:8

Intte nagaraappe simmidoogaa erissiyaabaa oottite. Abrahaami nu aawaa giidi, intte giddon haasayanau doommoppite. Aissi giikko, ‘Xoossai ha shuchchata Abrahaamassi na7a kessanaukka danddayees’ yaagada, taani inttessi odais.

Luqaasa 5:17

Issi gallassi, Yesuusi tamaarissishin, Galiilaaninne Yihudan de7iya katamaa ubbaappenne Yerusalaameppe yiida Parisaawetinne higgiyaa tamaarissiyaageeti he sohuwan uttoosona. Yesuusi hargganchchata pattana mala, Godaa wolqqai a bolli de7ees.

Luqaasa 5:22

Yesuusi eta qofaa eridi, “Intte intte wozanan hagaadan aissi qoppeetii?

Luqaasa 7:49

Yaagin, aara laaxaa maanau uttidaageeti bantta wozana giddon qoppiiddi, “Harai atto nagaraakka atto gaanau danddayiyaagee hagee oonee?” yaagidosona.

Yohaannisa 10:33

Aihudati zaaridi, “Nuuni nena lo77o ooso gishshau, shuchchan caddanau koyokko; shin neeni Xoossaa cayiyo gishshaunne qassi asa gidaidda ne huuphiyaa Xoossaa oottido gishshau, caddanau koyoos!” yaagidosona.

Roome 8:33

Xoossai dooridoogeeta oonee mootanai? Xoossai ba huuphen eta xillissiis.