Luqaasa 23:9 - Wolaytta Bible

⁹ Heeroodisi Yesuusa darobaa oichchiis; shin Yesuusi ayyo ainne zaaribeenna.

Luqaasa 23:9 Iomraidhean Croise

Mazamure Maxaafaa 39:9

Hagaa ubbaa oottidaagee nena gidiyo gishshau, taani duudaas; doonanne pogabeikke.

Isiyaasa 53:7

I un77etiisinne qohettiis; shin ba doonaa pogibeenna. SHukkanau efiyo dorssaadan laagettiis; ba ikisiyaa meediyaageetu sinttan co77u giya dorssa maraadan, ikka ba doonaa pogibeenna.

Maatiyoosa 27:12

Qeese halaqatinne dere cimati a mootin, etau ainne zaaro immibeenna.

Maatiyoosa 27:14

Yesuusi harai atto, issi qaalakka zaarennan ixxin, deriyaa haariyaagee daro garamettiis.

Maatiyoosa 7:6

“Geeshshabaa kanatuyyo immoppite; eti guyye simmidi, inttena saxxana. Qassi inqquwaa giyo intte al77o shuchchaa gudunttatu sintti oloppite; eti bantta tohuwan yedhdhana.

Marqqoosa 15:5

SHin Yesuusi harabaa zaarennan ixxin, PHilaaxoosi garamettiis.

Luqaasa 13:32

Yaagin Yesuusi zaaridi, “Biidi he worakanaassi, ‘Hachchinne wontto xalaheta kessana; qassi harggida asaakka pattana; yaatada heezzantto gallassi ta oosuwaa wurssana’ yaagite.

Luqaasa 23:10

Qeese halaqatinne higgiyaa tamaarissiyaageeti a minttidi mootiiddi, hegan eqqi bayidosona.

Yohaannisa 19:9

Qassikka PHilaaxoosi ba ooso keettaa simmi gelidi Yesuusa, “Neeni auppe yaadii?” yaagidi oichchiis; shin Yesuusi ayyo ainne zaaribeenna.

Yesuusi Kiittidoogeetu Oosuwaa 8:32

Mureessai nabbabiyo maxaafaa sohoi hagaadan yaagees; “Dorssadan i shuhettanau laagettiis. Dorssa marai ba ikisiyaa meediyaagaa sinttan co77u giyoogaadan, ikka ba doonaa pogibeenna.

Koiro PHeexiroosa 2:23

Asi bana cayiyo wode, zaaridi cayibeenna; waayettiyo wodekka manddibeenna. SHin xillo pirddiya Xoossaayyo bana aattidi immiis.