Luqaasa 20:17 - Wolaytta Bible

¹⁷ Yesuusi etakko xeellidi, “Yaatin, ‘Gimbbiyaageeti karidi ixxido shuchchai godaa xaphuwaa minttiya, ubbaappe aadhdhiya shuchcha gidiis’ geetettidi maxaafan xaafettidaagee hegee aibee?

Luqaasa 20:17 Iomraidhean Croise

Mazamure Maxaafaa 118:22

Gimbbiyaageeti karidi ixxido shuchchai, godaa xaphuwaa minttiya, ubbaappe aadhdhiya shuchcha gidiis.

Isiyaasa 28:16

Hegaa gishshau, Ubbaa Haariya GODAI hagaadan yaagees; “Be7ite, taani Xiyoonen baasuwaassi shuchchaa, paacettida shuchchaa, godaa xaphuwaa minttiya, al77o shuchchaa wottaas; aani ammaniya ooninne yeellatenna.

Zakkaariyaasa 10:4

Yihudaa asaa giddoppe kaalettiyaageeti kiyana; eti keettau zooziyan wottiyo shuchchadan, dunkkaane xishedaaninne ola miishshadan mino gidana.

Zakkaariyaasa 3:9

Be7a, taani Yaasu sinttan shuchchaa wottana; he shuchchai laappun baggaara masetti uttiis; taani a bollan xaafiyoobaa wooca woocada xaafana. Taani Ubbaappe Wolqqaama GODAI hagaa odais. He biittaa nagaraakka taani issi gallassi diggana' yaagees.

Maatiyoosa 21:42

Yesuusi eta hagaadan yaagiis; “ ‘Gimbbiyaageeti karidi ixxido shuchchai godaa xaphuwaa minttiya, ubbaappe aadhdhiya shuchcha gidiis. Hagee Godai oottidobaa; qassi nu aifiyaukka garamissiyaabaa’ yaagiyaagaa Xoossaa maxaafaappe mulekka nabbabibeekketii?

Marqqoosa 10:23

Yesuusi ba erissiyo ashkkarata yuushshi aatti xeellidi, “Daro dure asi Xoossaa kawotettaa gelanaagee waani metanddeeshsha!” yaagiis.

Marqqoosa 12:10

“ ‘Gimbbiyaageeti karidi ixxido shuchchai godaa xaphuwaa minttiya, ubbaappe aadhdhiya shuchcha gidiis. Hagee Godai oottidobaa; qassi nu aifiyaukka garamissiyaabaa’ yaagiyaagaa Xoossaa maxaafaappe nabbabibeekketii?” yaagiis.

Marqqoosa 3:5

Yesuusi hanqqettidi, eta yuushshi aatti xeellidi, eti yootin siyennaageeta gidiyo gishshau, etau keehi qarettiis; he bitaniyaa, “Ne kushiyaa piddi ootta” yaagiis; bitanee piddi oottin, a kushee paxi aggiis.

Luqaasa 19:41

Katamaa gakkanau i matidi, katamaa be7ido wode qarettidi yeekkiiddi,

Luqaasa 22:37

Aissi giikko, taani inttessi odais; Xoossaa maxaafan xaafettida tabai polettiyo gishshau, ‘Hagee mooranchchatuura paidettiis’ geetettidi xaafettidaagee tanan polettanau bessees” yaagiis.

Luqaasa 22:61

Godai guyye simmidi, PHeexiroosa xeelliis. Xeellin PHeexiroosi Godai bana, “Neeni hachchi kuttoi waassanaappe kase, heezzutoo tana kaddana” giidoogaa hassayiis.

Luqaasa 24:44

I eta, “Taani inttenaara de7aidda, ‘Muuse higgiyan, hananabaa yootiyaageetu maxaafaaninne Daawita mazamuriyaa maxaafan tabai xaafettidaagee ubbai polettanau bessees’ yaagada, inttessi yootido yohoi hagaa” yaagiis.

Yohaannisa 15:25

SHin eta higgiyan, ‘Tana coo ixxidosona’ geetettidi xaafettidaagee polettana mala, hagee haniis.

Yesuusi Kiittidoogeetu Oosuwaa 4:11

Gimbbiyaageeti intte karidi ixxido shuchchai, godaa xaphuwaa minttiya, ubbaappe aadhdhiya shuchcha gidiis; he shuchchai Yesuusa.

Efisoona 2:20

Yesuusi kiittidoogeetinne hananabaa yootiyaageeti baasido baasuwaa bolli inttekka keexettideta; godaa xaphuwaa minttiya waanna shuchchai Kiristtoos Yesuusa.

Koiro PHeexiroosa 2:6

Aissi giikko, Xoossaa maxaafai, “Be7ite, taani Xiyoone giyo kataman keettaa godaa xaphuwaa minttiya, doorettida, al77o shuchchaa wottais; aani ammaniya ooninne yeellatenna” yaagees.