Luqaasa 2:21 - Wolaytta Bible

²¹ Hosppun gallassaappe guyyiyan, Yesuusi qaxxarettiyo wodee gakkin, Mairaama a yelanau shahaaranaappe kase kiitanchchai a sunttidoogaadan, a sunttai Yesuusa geetettiis.

Luqaasa 2:21 Iomraidhean Croise

Doomettaabaa 17:12

Intte giddon sinttappe yelettana attuma naati ubbai yelettido hosppuntta gallassan qaxxarettana koshshees. Ne son yelettidaageeta gidin, woikko allagaappe miishshan shamettida ailleta gidin, ne zeretta gidennaageetakka attumaageeta qaxxaranau koshshees.

Wogaabaa 12:3

Hosppuntta gallassi na7ai qaxxarettanau koshshees.

Maatiyoosa 1:21

Attuma na7a a yelana; qassi neeni Yesuusa gaada a sunttana; aissi giikko, i ba asaa eta nagaraappe ashshana” yaagiis.

Maatiyoosa 1:25

SHin ba baira na7aa a yelana gakkanaassi o bochchibeenna; qassi na7aa Yesuusa giidi sunttiis.

Maatiyoosa 3:15

SHin Yesuusi zaaridi a, “Nuuni xillotetta ooso ubbaa hagaadan polanau bessiyo gishshau, ha77i tau eeno ga” yaagiis. Yaagin Yohaannisi au eeno giis.

Luqaasa 1:31

be7a; neeni shahaarada attuma na7a yelana; a sunttaa Yesuusa yaagada sunttana.

Luqaasa 1:59

Hosppuntta gallassan, na7aa qaxxaranau yiidosona; a aawaa sunttaadan, Zakkaariyaasa giidi, sunttanau qoppidosona;

Piliphphisiyuusa 2:8

I bana kaushshiis; haiquwau, ubba harai atto, masqqaliyaa bolla haiquwaukka azazettiis.