Luqaasa 17:3 - Wolaytta Bible

³ Intte huuphiyaassi naagettite. “Ne ishai nena naaqqikko, a zora. Qassi nagaraappe i simmikko, ayyo atto ga.

Luqaasa 17:3 Iomraidhean Croise

Mazamure Maxaafaa 141:5

Xillo asi tana aggenna siiquwan seeranaunne qaxxayanau danddayees; shin taani iita asatuppe bonchchuwaakka ekkennan ixxais; aissi giikko, taani ubbatonkka eta iita oosuwaa bolli woossais.

Kessaabaa 34:12

Eti intteyyo pire gidenna mala, intte biyo biittan de7iya asaara maachchaa maacettoppite.

Leemiso Maxaafaa 17:10

Eeyyai xeetuton lissuwan shocin eriyoogaappe akeeki de7iyo asi coo seerin eriyoogee aadhdhees.

Leemiso Maxaafaa 27:5

Geemmida siiquwaappe baliyo wode qoncciyan seeriyoogee keha.

Leemiso Maxaafaa 9:8

Qilliicciya uraa zoroppa; zorikko i nena ixxana. Aadhdhida eranchcha uraa zora; zorikko i nena siiqana.

Wogaabaa 19:17

“'Ne ishaa ne wozanan ixxoppa. “'Ne shooruwaa gaasuwan neeni nagara oottenna mala, a seera.

Maatiyoosa 18:21

PHeexiroosi he wode Yesuusakko yiidi, “Godau, ta ishai tana aapputoo naaqqikko taani ayyo atto gaanau bessii? Laappuntto gakkanaassi naaqqiineeyye?” yaagidi a oichchiis.

Luqaasa 21:34

“SHin muussan, ushshan, mattooninne aqossi hirggiyooban intte wozanai balenna mala, qassi intte qoppennan he gallassai intte bolli yeennaadan, inttena naagite.

Efisoona 5:15

Simmi intte waani de7iyaakko akeekite; aadhdhida eratettaara de7iya asadan de7iteppe attin, aadhdhida eratetti bainna asadan de7oppite.

Zaarettido Wogaa 4:15

“GODAI Siinaa Deriyaa bollan tamaa giddoppe intteyyo haasayido gallassi, intte a be7ibeenna gishshau, keehippe naagettite.

Zaarettido Wogaa 4:23

Hegaa gishshau, GODAI intte Xoossai inttenaara maacettido maachchaa dogoppite. Qassi GODAI intte Xoossai inttena oottoppite giido ai meran masettida misiliyaa gidikkonne intteyyo eeqa oottennaadan naagettite.

Zaarettido Wogaa 4:9

“Simmi intte de7iyo laitta ubban ha intte be7idobaa ubbaa dogennaadaaninne intte huuphiyaappe xaissennaadan naagettite; intte naatanne intte naatu naata tamaarissite.

Ibraawe 12:15

Xoossaa aaro kehatettaa ooninne ekkennan attenna mala naagettite; qassi mokkidi, ba marzziyan asa waissiya camo mittadan hanidi, ooninne daro asaa tunissenna mala naagettite.

Yaaqooba 5:19

Ta ishatoo, intteppe ooninne tumaappe wora biikko, qassi issoi a guyye zaarikko,

Naa77antto Yohaannisa 1:8

Intte oottidoogau kumetta woituwaa ekkanaappe attin, intte oottidoogaa bashshenna mala, inttena naagite.