Leemiso Maxaafaa 6:34 - Wolaytta Bible

³⁴ Aissi giikko, maccaasee azinai mishettidi, hanqquwaa suullana; suullidi ba haluwaa kessiyo wode, au qarettenna.

Leemiso Maxaafaa 6:34 Iomraidhean Croise

Doomettaabaa 39:19

A godai ba keettaayyiyaa, “Ne aillee tana hagaadan oottiis” yaagada yootido qaalaa siyidi, hanqquwaa suulliis.

Sameela Maxaafaa Naa77anttuwaa 11:5

Maccaaseessi shahaarai attin, Daawitakko kiitaa yeddada, “Taayyo shahaarai attiis” yaagaasu.

Leemiso Maxaafaa 11:4

Hanqquwaa gallassi duretettai go77enna; shin xillotettai haiquwaappe ashshees.

Leemiso Maxaafaa 27:4

Hanqqossi qareti baawa; yiilloikka bashshiya di7o mala; shin qanaatiyan ubba gattoppo.

Leemiso Maxaafaa 6:33

Deshettiyoogeenne kauyyiyoogee a gakkida saama. A yeellai appe mulekka qucettenna.

Leemiso Maxaafaa 6:35

I aiba afilaamakka ekkenna; ai keena imoikka a hanqquwaa doshissenna.

Siiquwaa Sabaa 8:6

Merinaa siiquwan tana ne wozanaa bolli attama; ne qesiyankka maatafaadan, ta xallaa oiqqa. Aissi giikko, siiqoi haiquwaa mala mino; mishoikka duufuwaa mala meqettaa iita; a lacoikka Xoossaa tamaa lacuwaa mala.

Isiyaasa 13:17

Be7ite, biraa koyenna, worqqankka ufaittenna Meedoona biittaa asata taani eta bollan denttana.

Qoodaabaa 25:11

“Qeesiyaa Aaroona na7aa El77aazara na7ai Piinihaasi Israa7eela asaa giddon taani ta bonchchuwau mishettiyoogaadan mishettido gishshau, eta bolli taani hanqqettido hanqqoi dochchiis; taanikka eta ta hanqquwan xaissabeikke.

Qoodaabaa 5:14

a tunido gishshau, i keettaawai o siriyaagaa gidanau danddayees; woikko a tunennan de7ishin, i ba keettaayyiyo siriyaagaa gidanau danddayees.

Koiro Qoronttoosa 10:22

Woikko nuuni Godaa qanaatissanau koyiyoo? Nuuni appe minniyoonii?