Leemiso Maxaafaa 6:23 - Wolaytta Bible

²³ Aissi giikko, ha azazoti xomppe; timirttetikka poo7o; qassi seeraikka de7uwaakko efiya oge.

Leemiso Maxaafaa 6:23 Iomraidhean Croise

Doomettaabaa 39:8

SHin i ixxiis. Ba godaa keettaayyiyo, “Be7a; ta godai tau sheedhdhidi ba son de7iyaabau aibaunne hirggenna; baayyo de7iyaabaa ubbaa ta kushiyan wottiis.

Mazamure Maxaafaa 119:105

Ne qaalai ta gediyaassi xomppe, ta ogiyaassikka poo7o.

Mazamure Maxaafaa 119:130

Ne qaalaa birshshettai poo7uwaa immees; akeekai paccidoogeetussi akeekaa immees.

Mazamure Maxaafaa 141:5

Xillo asi tana aggenna siiquwan seeranaunne qaxxayanau danddayees; shin taani iita asatuppe bonchchuwaakka ekkennan ixxais; aissi giikko, taani ubbatonkka eta iita oosuwaa bolli woossais.

Mazamure Maxaafaa 19:8

GODAA wogai likke; wozanaa ufaissees. GODAA azazoi geeshsha; wozanaa poo7issees.

Leemiso Maxaafaa 10:17

Seerin eeniya urai de7uwaa ogiyan hemettees; shin seerin ixxiya urai balees.

Leemiso Maxaafaa 15:24

Aadhdhida eranchchai bollau kaalettiya de7uwaa ogiyan hemetteesippe attin, duge duufuwau wottiya ogiyan hemettenna.

Leemiso Maxaafaa 15:31

De7uwaa immiya zoriyaa siyiya asi aadhdhida eranchchatuura issippe de7ana.

Leemiso Maxaafaa 29:15

Qaixaareenne seeri naatussi aadhdhida eraa immees; shin yedan diccida na7i ba aayyiyo kaushshees.

Leemiso Maxaafaa 3:18

I bana oiqqiyaageetussi de7o mitta; a mintti oiqqiya ubbatikka anjjettidaageeta.

Leemiso Maxaafaa 4:13

Tamaaridoogaa hassaya; timirttee neeyyo de7o gidido gishshau, loitta naaga; yeddoppa.

Leemiso Maxaafaa 4:4

Ta aawai tana tamaarissiiddi, hagaadan yaagiis; “Taani odiyoogee neeyyo gelo; ta azazuwaa naaga; yaatikko, neeni paxa de7ana.

Leemiso Maxaafaa 5:12

Qassi hagaadan yaagana; “Taani timirttiyaa aissi ixxidanaashsha! Ta wozanaikka seeraa aissi karideeshsha!

Eranchchaa Maxaafaa 7:26

Taani haiquwaappe aadhdhidi cammiya hara issibaa pilgga xeellada demmaas; hegeekka, i wozanai pire woikko yardde gidin, i kushee sanssalata mala gidido issi maccaaseebaa. Xoossaa ufaissiya urai ippe kessi ekkana; shin nagaranchchaa a ba piriyaa waaxada oiqqana.

Eranchchaa Maxaafaa 7:5

Eeyyati sabbidi yexxiyo yettaa siyiyoogaappe, aadhdhida eranchcha asi seeriyo seeraa ezggiyoogee lo77o.

Isiyaasa 8:20

Higgiyaanne GODAI yootiyoobaa siyite! He asati ha qaalaadan haasayana xayikko, etau sa7ai wonttenna.

Ermmaasa 21:8

GODAI Ermmaasa, “Gujjadakka asaayyo hagaadan yaagada yoota; 'GODAI hagaadan yaagees; “Be7ite, taani intte sinttan de7uwaa ogiyaanne haiquwaa ogiyaa wottaas.

Hizqqeela 20:11

Azazettiya ubbau de7uwaa immiya ta wogaa taani etau immaas; ta higgiyaakka eta tamaarissaas.

Wogaabaa 19:17

“'Ne ishaa ne wozanan ixxoppa. “'Ne shooruwaa gaasuwan neeni nagara oottenna mala, a seera.

Naa77antto PHeexiroosa 1:19

Qassi hegaappe keehi aadhdhiya hananabaa yootiyaageeti haasayido nuna keehi ammanttiya qaalai nuuyyo de7ees; intte he qaalaa naagiyaabaa gidikko loittideta. Aissi giikko, hegee sa7ai wonttana gakkanaassinne maallado xoolinttiyaa poo7oi intte wozanan poo7ana gakkanaassi, xuman poo7iya poo7uwaa mala.

Ajjuutaa 2:5

Simmi neeni awappe kunddidaakkonne akeeka. Ne nagaraappe simma; neeni kase oottiyo oosuwaa ootta. Hegee xayikko, taani neekko yaana; yaada neeni ne nagaraappe simmana xayikko, neeni xomppiyaa wottiyo ne ballaa a sohuwaappe ekkarggana.