Leemiso Maxaafaa 6:14 - Wolaytta Bible

¹⁴ A uluwan geellatettai de7ees; i iitabaa qoppees; ubbatookka i ooshshaa medhdhees.

Leemiso Maxaafaa 6:14 Iomraidhean Croise

Mazamure Maxaafaa 140:2

Eti ubba wode iitabaa oottanau maqettoosona; ubba gallassikka ooshshaa denttanau karchchoosona.

Mazamure Maxaafaa 140:3

Eti bantta inxxarssaa shooshshaagaadan qarayoosona; eta doonaappe asa woriya shooshshaa yiishshaa mala haasayai kiyees.

Mazamure Maxaafaa 36:4

I ba hiixan de7iiddikka genebaa oottanau halchchees. I lo77o gidenna ogiyan eqqiis; i iitabaa ixxenna.

Leemiso Maxaafaa 14:22

Iitabaa maqettiyaageeti baloosona gidokkonaa? SHin lo77obaa oottanau halchchiyaageeti tumatettaanne aggenna siiquwaa demmoosona.

Leemiso Maxaafaa 16:27

Iita asi iitabaa halchchees; a haasayaikka xuuggiya tamaa mala.

Leemiso Maxaafaa 17:20

Geella qofai de7iyo asi lo77obaa demmenna; shikkaalobaa haasayiya asikka metuwan gelees.

Leemiso Maxaafaa 2:14

Iitaa oottiyoogan ufaittoosona; geellaban hashshu goosona.

Leemiso Maxaafaa 21:8

Mooranchchati geella ogiyan hemettoosona; shin geeshshati suurebaa oottoosona.

Leemiso Maxaafaa 22:8

Nagaraa zeriya urai waayiyaa cakkees; harata i tuggayiyo tuggaikka attees.

Leemiso Maxaafaa 24:8

Iitaa oottanau halchchiya urai genanchcha geetettana.

Leemiso Maxaafaa 3:29

Nenan ammanettidi, ne matan de7ishin, ne shooruwaa bolli iitabaa oottanau halchchoppa.

Leemiso Maxaafaa 3:32

Aissi giikko, GODAI iitaa oottiyaageeta ixxees; shin suuretuyyo i ulottees.

Isiyaasa 32:7

Uuzettiyaagaa uuzee iita; metootanchchai suurebaa haasayinkka, wordduwan hiyyeesaa xaissanau i iita qofaa qoppees.

Isiyaasa 57:20

SHin iitati bulqquwaanne urqqaa pude pushakkiya, woppu gaanaukka danddayenna abbaa beetaa mala.

Hizqqeela 11:2

GODAI tana hagaadan yaagiis; “Laa asa na7au, ha asati ha kataman iita halchchuwaa halchchiyaageetanne iita zoriyaa zoriyaageeta.

Hoose7a 8:7

“Eti carkkuwaa zeroosona; zeridi gotiyaa cakkoosona. Equwan de7iya eta kattau aifee baawa; hegaa gishshau, xiillee baawa; xiillee de7iyaakkokka allagati maana.

Mikiyaasa 2:1

Iitabaa halchchiyaageetuyyo, qassi bantta hiixan de7iiddi, palabaa waati oottanaakko qoppiyaageetuyyo aayye7ana! Wolqqai eta kushiyan de7iyo gishshau, sa7ai wonttiyo wode, bantta halchchuwaa poloosona.

Roome 16:17

Ta ishatoo, asaa giddon shaahotettaa medhdhiyaageeta, asaa ammanuwau xube gidiyaageetanne intte tamaarido timirttiyaara gaittennaagaa tamaarissiyaageeta akeekanaadan, taani inttena woossais; etakko shiiqoppite.