Leemiso Maxaafaa 5:22 - Wolaytta Bible

²² Nagaranchchaa i oottido nagarai oiqqees. A nagaraa gitee a qachchees.

Leemiso Maxaafaa 5:22 Iomraidhean Croise

Kawotu Maxaafaa Koiruwaa 18:18

Yaagin Eelaasi Akaaba, “Israa7eela biittaa aatti yeggiyai tana gidikke. GODAA azazuwaa aggidi, Ba7aala eeqatussi goinnidi, biittaa aatti yeggiyai nenanne ne aawaa so asaa.

Asttiri Maxaafaa 9:25

SHin Asttira kawuwaakko gelidoogaappe guyyiyan, Hamaani Aihudatu bolli maqettido iita maqqoi ubbai guyye simmidi, a bolli polettanaadan kawoi xuufiyan azaziis. Yaatin, Hamaaninne a naati tammai kocan kaqettidi haiqqidosona.

Iyyooba Maxaafaa 18:8

“A hemetai a efiidi, piriyan gelissees; diizzaa giddon i hemettees.

Mazamure Maxaafaa 40:12

Aissi giikko, qoodi bainna iitabai tana dooddiis. Ta iitatettai tana gakkidi gooziis; taani xeellanau danddayikke. Ta iita oosoi ta huuphiyaa binnaanaappe dariis; ta wozanai ta giddon seeriis.

Mazamure Maxaafaa 9:15

Kawotettati bantta bookkido ollan banttau kunddidosona. Eti qotti wottido piree eta tohuwaa oiqqiis.

Mazamure Maxaafaa 9:17

Iitati duufuwaa baana; Xoossaa dogiya kawotettati ubbaikka etadan hanana.

Leemiso Maxaafaa 1:18

SHin eti bantta suuttaa gussanau zuggoosona; bantta shemppuwaa woranau qosetti uttoosona.

Leemiso Maxaafaa 11:3

Xillota eta suuretettai kaalettees; shin ammanettennaageeta eta geellatettai xaissees.

Leemiso Maxaafaa 11:5

Boree bainna uraa ogiyaa a xillotettai sittissees; shin iita urai ba iitatettan kunddees.

Leemiso Maxaafaa 11:6

Suureta eta xillotettai ashshees; shin ammanettennaageeta eta amoi pire gididi oiqqana.

Leemiso Maxaafaa 12:14

Asi ba doonaappe kiyiya qaalan lo77obaa kallees; ba oottido oosuwaa waagaakka ekkees.

Leemiso Maxaafaa 14:32

Iitati bantta iita oosuwan kunddana; shin xilloti bantta suuretettan naagettana.

Leemiso Maxaafaa 18:7

Eeyya asi, haasayiiddi bana qohees; a haasayai gite gididi, a oiqqees.

Leemiso Maxaafaa 24:12

Neeni, “Nuuni hagaa eribookko” yaagikko, wozanaa eriyaagee i be7ennee? Ne de7uwaa naagiyaagee erennee? Asa ubbau a oosuwaa oosuwaadan zaarennee?

Leemiso Maxaafaa 26:27

Haratussi ollaa bookkiya uri he ollan bau kunddana; haratu bolli shuchchaa gonddorssiya uraa bolli he shuchchai simmidi gonddorettana.

Eranchchaa Maxaafaa 7:26

Taani haiquwaappe aadhdhidi cammiya hara issibaa pilgga xeellada demmaas; hegeekka, i wozanai pire woikko yardde gidin, i kushee sanssalata mala gidido issi maccaaseebaa. Xoossaa ufaissiya urai ippe kessi ekkana; shin nagaranchchaa a ba piriyaa waaxada oiqqana.

Ermmaasa 2:19

Simmi ne iitatettai nena qaxxayana; neeni tana aggidoogee ne bolli pirddana” yaagees. Godai, Ubbaappe Wolqqaama GODAI hagaadan yaagees; “Neeni tana GODAA ne Xoossaa aggidoogee ai keena iitanne camo gidiyaakko, ane eranne be7a. Neeni taayyo yayyiyo yashshi nenan baawa.

Ermmaasa Zilaassaa 1:14

Taani oottido nagaraa ubbaa shiishshi qachchidi, qambbaraadan ta morggiyan wottiis. Yaatidi ta wolqqaa wurssiis. Taani eqettanau danddayennaageetussi Godai tana aattidi immiis.

Abddiyyu 1:15

“Aihuda gidenna asatu ubbaa bolli GODAA gallassai gakkiis. Nenoo Eedoomaa, neeni haratu bolli oottidobai ne bolli oosettana; ne daafaikka ne huuphiyan simmana.

Qoodaabaa 32:23

“SHin intte hegaadan oottennan ixxikko, GODAA bolli nagaraa ootteeta; simmi inttena intte nagarai gakkiyoogaa tumu erite.

Ibraawe 13:4

Ekkiyoogaanne geliyoogaa asai ubbai bonchchanau bessees; qassi azinainne machchiyaa issoi issuwau ammanettanau bessees; aissi giikko, Xoossai shaaramuxanau qaaqqatiyaageetanne shaaramuxiyaageeta pirddana.

Daannatu Maxaafaa 20:41

Hegaappe guyyiyan, Israa7eelati Biniyaama asatu bolli guyye simmidosona; guyye simmin, Biniyaama asati dagammidosona; aissi giikko, eti wurana haniyoogaa eridosona.

Daannatu Maxaafaa 9:57

Hegaadankka, Xoossai Sekeema asaa iitatetta ubbaa eta bolli zaariis. Hegaadan hanidi, Geedoona na7ai Yo7aataami qanggido qanggettai eta gakkiis.