Leemiso Maxaafaa 5:21 - Wolaytta Bible

²¹ Aissi giikko, asi oottiyoobaa ubbaa GODAI be7ees; i hemettiyo loosso ubbaa xeellees.

Leemiso Maxaafaa 5:21 Iomraidhean Croise

Hanidabaa Odiya Naa77antto Maxaafaa 16:9

Aissi giikko, ba kumetta wozanaappe GODAN ammanettiya asa minttettanau GODAA aifee sa7aa bollan ubbasaa xeellees. Neeni ha yohuwan eeyyadasa; hegaa gishshau, hachchippe doommin, neeppe oli shaahettenna” yaagiis.

Iyyooba Maxaafaa 14:16

Hegaappe guyyiyan, neeni tumuppe ta tangguwaa wochchana; shin ta nagaraa ta bolli qoodakka.

Iyyooba Maxaafaa 24:23

Xoossai eti saro de7anaadan oottikkokka, eta ogiyaa wochchees.

Iyyooba Maxaafaa 31:4

Xoossai ta hemetaa ubbaa be7ees; ta tangguwaa ubbaakka qoodees.

Iyyooba Maxaafaa 34:21

“Xoossai asaa hemetaa xeellees; a tanggo ubbaakka wochchees.

Mazamure Maxaafaa 11:4

GODAI ba geeshsha Beeta Maqidasiyan de7ees; ba saluwaa kawotaa araatan GODAI asaa xeellees; GODAA aifee asaa qorees.

Mazamure Maxaafaa 119:168

Taani ne wogaassinne neeni yootidobaassi azazettana; aissi giikko, ta ogiyaa ubbaa neeni be7aasa.

Mazamure Maxaafaa 17:3

Neeni qamman tana xomoosadasa; ta wozanaa paaccadasa. SHin paaccadakka; ta bolli ainnekka demmakka. Taani hara asatudan iita qaalaa haasayikke; taani ne azazuwaa naagiyo gishshau, gene ogiyaa kaallabeikke.

Leemiso Maxaafaa 15:3

GODAA aifeti ubbasaa xeelloosona; iitaa oottiyaageetakka lo77uwaa oottiyaageetakka be7oosona.

Leemiso Maxaafaa 4:26

Ne gediyaassi ogiyaa salallissa; suure oge xalaalan hemetta.

Leemiso Maxaafaa 5:6

A de7uwaa ogiyaa qoppukku; i ogeti geella; shin geella gidiyoogaakka a erukku.

Ermmaasa 16:17

Aissi giikko, taani eta ogiyaa ubbaa be7ais. Eti taappe qosettibookkona; eta nagaraikka ta aifiyaappe geemmibeenna.

Ermmaasa 17:10

Taani GODAI asau ubbau a ogiyaadaaninne a oosuwaadan zaaranau, asaa wozanaa qoraisinne a kahaa paaccais” yaagees.

Ermmaasa 23:24

Taani be7ennaadan, geema sohon bana qottanau asi danddayii? Saluwaaninne sa7an kumidaagee tana GODAA gidikkinaa?” yaagees.

Ermmaasa 29:23

Aissi giikko, eti Israa7eelan pala nagaraa oottidosona. Eti bantta shoorotu maccaasaa laggettidosona; yaatidi taani eta azazabeenna worddobaa ta sunttan haasayoosona. Hegaa eriyaagee tana; hegau taani markka. Taani GODAI hagaa odaas' yaagees” yaagiis.

Ermmaasa 32:19

Ne zoree gita; ne oottiyo oosoikka wolqqaama. Asaa ogiyaa ubbaa neeni be7aasa; asau ubbaukka a ogiyaadaaninne a oosuwaadan zaaraasa.

Hoose7a 7:2

SHin taani eta iita oosuwaa ubbaa hassayiyoogaa eti akeekokkona. Eta iita oosoti eta dooddi wottidosona; he iita oosoti ubba wodekka ta sinttan de7oosona.

Ibraawe 4:13

Nuuni oottiyoobaa wochchiya Xoossaa sinttan ubbabaikka beettiyoogaappenne qoncciyan de7iyoogaappe attin, a aifiyan geemmiya mereti aibinne baawa.

Ajjuutaa 2:18

“Tiyaaxiroonan de7iya woosa keettaa kiitanchchaayyo hagaadan yaagada xaafa; ‘Xoossaa Na7ai, tamaa lacuwaa milatiya aifee de7iyoogee, qassi coociyaa taman seeridi phooliya nahaase giyo birataa milatiya tohoi de7iyoogee, hagaadan yaagees.

Ajjuutaa 2:23

Taani i naatakka worana; qassi woosa keetta ubbaikka taani asa qofanne amo eriyaagaa gidiyoogaa erana; taani intteyyo intte oosuwaa malaa immana.