Leemiso Maxaafaa 4:23 - Wolaytta Bible

²³ Ubbabaappekka ne wozanaa minttada naaga; aissi giikko, de7oi appe pulttees.

Leemiso Maxaafaa 4:23 Iomraidhean Croise

Kawotu Maxaafaa Naa77anttuwaa 10:31

Hegaa gidi uttinkka, Yeehu GODAA Israa7eela Xoossaa higgiyaa ba kumetta wozanaappe minttidi naagibeenna; qassi Iyorbbaami Israa7eela naata ootissido nagaraa oottiyoogaa aggibeenna.

Leemiso Maxaafaa 11:16

Ulo keha maccaasiyaa bonchchettausu; shin meqettaa iita asai duretetta xalaalaa duretees.

Leemiso Maxaafaa 13:3

Ba doonaa naagiya urai ba shemppuwaa naagees; shin eesuwan haasayiya urai bana xaissees.

Leemiso Maxaafaa 16:17

Suureti biyo ogee iiti de7iyoosaappe haahuwaara kanttissees; ba hemetaa naagiya uri ba shemppuwaa naagees.

Leemiso Maxaafaa 22:5

Iita uraa ogiyan agunttainne piree de7ees; shin bana naagiya asi etappe haakkees.

Leemiso Maxaafaa 23:19

Ta na7au, siya; wozannaama gida; ne wozanaa suure ogiyan wotta.

Leemiso Maxaafaa 28:26

Banan ammanettiya asi eeyya; shin aadhdhida eratettan hemettiyaagee saro de7ees.

Leemiso Maxaafaa 3:21

Ta na7au, lo77o aadhdhida eratettaanne adussi qoppiyoogaa naaga; eti neeppe shaahettoppona.

Leemiso Maxaafaa 4:7

Aadhdhida eratettai ubbaappe aadhdhiyo gishshau, aadhdhida eratettaa demma. Akeekai ne aquwaa ubbaa wurssi ekkikkokka a demma.

Eranchchaa Maxaafaa 5:13

Salo gufantton keehi azzanissiyaabaa harabaakka taani be7aas; iita wodiyan bana maaddo giidi, asi bau de7idabaappe guyye wottidi dagayees.

Ermmaasa 17:9

“Asa wozani ubbabaappe aadhdhi cimmiyaabaanne keehi daro iita. A ooni eranau danddayii?

Maatiyoosa 15:18

SHin doonappe kiyiyaabai wozanappe kiyees; asa tunissiyaabai hegaa malaa.

Maatiyoosa 15:19

Aissi giikko, wozana giddoppe iita qofai, woriyoogee, shaaramuxiyoogee, qassi shaaramuxanau qaaqqatiyoogee ubbai, wuuqqiyoogee, wordduwaa markkattiyoogee, cashshai kiyees.

Marqqoosa 14:38

Paaciyan intte gelenna mala, naagitenne Xoossaa woossite; ayyaanai giigi uttiis; shin ashoi daafuranchcha” yaagiis.

Luqaasa 6:45

Lo77o asi ba wozana giddon de7iya lo77o minjjaappe lo77obaa kessees; qassi iita asi ba iita minjjaappe iitabaa kessees; aissi giikko, asa dooni a wozanan kumidabaappe haasayees.

Zaarettido Wogaa 4:9

“Simmi intte de7iyo laitta ubban ha intte be7idobaa ubbaa dogennaadaaninne intte huuphiyaappe xaissennaadan naagettite; intte naatanne intte naatu naata tamaarissite.

Ibraawe 12:15

Xoossaa aaro kehatettaa ooninne ekkennan attenna mala naagettite; qassi mokkidi, ba marzziyan asa waissiya camo mittadan hanidi, ooninne daro asaa tunissenna mala naagettite.