Leemiso Maxaafaa 4:13 - Wolaytta Bible

¹³ Tamaaridoogaa hassaya; timirttee neeyyo de7o gidido gishshau, loitta naaga; yeddoppa.

Leemiso Maxaafaa 4:13 Iomraidhean Croise

Doomettaabaa 32:26

Yaatin bitanee a, “Sa7ai wonttido gishshau, tana yedda” yaagiis. SHin Yaaqoobi a, “Neeni tana anjjennan taani nena yeddikke” yaagiis.

Leemiso Maxaafaa 10:17

Seerin eeniya urai de7uwaa ogiyan hemettees; shin seerin ixxiya urai balees.

Leemiso Maxaafaa 23:23

Tumaa, aadhdhida eratettaa, timirttiyaanne akeekaa shammappe attin, mulekka baizzoppa.

Leemiso Maxaafaa 3:18

I bana oiqqiyaageetussi de7o mitta; a mintti oiqqiya ubbatikka anjjettidaageeta.

Leemiso Maxaafaa 3:22

Eti neeyyo de7o gidana; eti neeyyo ishalonne ufaissa de7uwaa immana.

Leemiso Maxaafaa 6:23

Aissi giikko, ha azazoti xomppe; timirttetikka poo7o; qassi seeraikka de7uwaakko efiya oge.

Leemiso Maxaafaa 8:35

Tana demmiyaagee de7uwaa demmees; GODAAPPE i sabaa demmees.

Eranchchaa Maxaafaa 7:12

Miishshai asa iitaappe kammidi ashshiyoogaadan, aadhdhida eratettaikka ashshees. SHin, aadhdhida eratettai miishshaappe dariyoogee, i asassi de7o immanau danddayiyoogaana.

Siiquwaa Sabaa 3:4

Etappe yaa kanttanne ta siiquwaa demmaagaas. I taappe kessi ekkennaadan, minttada oiqqaas; oiqqada taayee soo ekka efaas; ta yelettido kifiliyaa gelissaas.

Yohaannisa 6:63

Geeshsha Ayyaanai de7uwaa immees; ashoi ainne go77enna. Taani intteyyo yootido qaalai ayyaananne de7o.

Yohaannisa 6:68

Simoon PHeexiroosi zaaridi, “Godau, nuuni ookko baanee? Neeyyo merinaa de7uwaa qaalai de7ees.

Yesuusi Kiittidoogeetu Oosuwaa 11:23

Barnnaabaasi Anxxookiyaa biido wode, Xoossaa aaro kehatettaa oosuwaa be7idi ufaittiis; eti ubbaikka Godan bantta kumetta wozanaappe minnidi de7anaadan, eta zoriis.

Yesuusi Kiittidoogeetu Oosuwaa 2:42

Eti Yesuusi kiittidoogeetu timirttiyan, issippetettan oittaa mentti miyoogaaninne Xoossaa woosan genccoosona.

Zaarettido Wogaa 32:47

Ha qaalai intteyyo de7oppe attin, coo mela qaala gidenna. Ha qaalaa naagikko, intte Yorddaanoosa pinnidi laattana biittankka adussa laittaa de7ana” yaagiis.

Koiro Tasalonqqe 5:21

Ubbabaakka paaccite. Lo77obaa oiqqite.

Ibraawe 2:1

Hegaa gishshau, nuuni siyido tumu yohuwaappe wora beenna mala, he yohuwaa mintti oiqqanau bessees.

Ajjuutaa 12:11

Nu ishantti Dorssaa suuttaaninne bantta tumu markkatettan miimminttiyaara olettidi xoonidosona. Qassi eti bantta shemppuwaa aatti immiyoogau qarettibookkona.

Ajjuutaa 2:13

“ ‘ “Taani neeni de7iyoosaa erais. Neeni Seexaanaa kawotaa araatai de7iyoosan de7aasa; ta sunttaa mintta naagaasa. Harai atto, Seexaanai de7iyoosan intte matan asi worddo taani ammaniyo markkai Anttiphaasi de7iyo wodekka tana ammaniyoogaa aggabaakka.