Leemiso Maxaafaa 31:26 - Wolaytta Bible

²⁶ Aadhdhida eran a haasayausu; ammanttiya zoree i inxxarssaappe kiyees.

Leemiso Maxaafaa 31:26 Iomraidhean Croise

Asttiri Maxaafaa 4:4

Kawee Asttiri danggiriixetinne o naagiya mureessati yiidi, Marddikiyoosabaa iyyo odido wode, a keehippe azzanaasu. Azzanada Marddikiyoosi waaruwaa kessirggidi maayana mala, ayyo hara maayuwaa kiittaasu; shin i ekkennan ixxiis.

Asttiri Maxaafaa 5:8

“Kawuwau, neeni tanan ufaittidabaa gidikko, qassi taani woossiyoobaa immanaunne ta oishaa polanau neeni dosiyaabaa gidikko, wontto ta giigissiyo hara gibiraassi neeninne Hamaani yaanaadan oichchais. Taani ai koyiyaakko, he wode neessi qonccissana” yaagaasu.

Leemiso Maxaafaa 10:31

Xillo asai aadhdhida eratettaa haasayees; shin geellabaa haasayiya inxxarssai qanxxettana.

Leemiso Maxaafaa 12:18

Akeekennan haasayiyo haasayai cuphedan caddees; shin aadhdhida eranchchaa inxxarssai pattees.

Leemiso Maxaafaa 16:24

Lo77o qaalai eessaa ililuwaadan mal77ees; bollaakka maaddeesinne pattees.

Leemiso Maxaafaa 19:14

Issi asi keettaanne aquwaa ba aawaappe laattanau danddayees; shin akeekanchcha machchiyo GODAI immees.

Leemiso Maxaafaa 25:15

Danddayanchcha asi deriyaa haariyaagau odidi maizzees; liiqo qaalai meqettaa kanttidi gelees.

Leemiso Maxaafaa 31:27

A ba so asaa de7uwaa injjeyanau ubbaton ooso oottaidda de7ausu; azalla hanoi i bollan beetti erenna.

Siiquwaa Sabaa 2:14

“Neeni aafuwaa doona zaallaa za7an qosettida haraphphee mala; ane issitoo tana ne som77uwaa bessa; ne cenggurssaakka sissa. Aissi giikko, ne cenggurssai tana qarettees; ne som77oikka daro lo77ees” yaagiis.

Siiquwaa Sabaa 4:11

Ta mishiree, ne menttershshaara eessaa ililoi xokkees. Ne doonaappe eessainne maattai pulttees; ne maayoi Liibaanoosa xiiddai sawiyoogaadan sawees.

Milkkiyaasa 2:6

Tumaa higgee eta doonan de7iis; eta inxxarssankka worddoi beettibeenna. Eti tanaara sarotettaaninne suuretettan hemettidosona; qassi darotakka nagaraappe zaaridosona.

Luqaasa 1:38

Mairaama, “Taani Godaa ailliyo; ne qaalaadan, taassi hano” yaagaasu. Kiitanchchainne i mataappe biis.

Yesuusi Kiittidoogeetu Oosuwaa 18:26

Yaatidi Aihuda woosa keettan yayyennan haasayaa doommiis. PHirisqqilanne Aqiili i yootiyoogaa siyido wode, banttanaara soo a efiidi, Xoossaa ogiyaa kaseppe sittayidi, ayyo geeshshidi yootidosona.

Yesuusi Kiittidoogeetu Oosuwaa 6:15

Yaa7an uttida asai ubbai Isxxifaanoosa akeekidi xeelliyo wode, a som77oi kiitanchchaa som77uwaa milatees.

Efisoona 4:29

Intte haasayai siyiyaageeta go77ana mala, koshshiyoogaadan minttettiya lo77o qaalai intte doonaappe kiyoppe attin, iita qaalai mulekka kiyoppo.

Qolasiyaasa 4:5

Intteyyo de7iya wodiyaa go77i bainnasan xaissennan, ammanennaageetu matan hayyottidi de7ite.

Koiro PHeexiroosa 3:1

Hegaadankka maccaasatoo, intte azinatuppe Xoossaa qaalau azazettenna issooti issooti de7ikkokka, intte palamettennan, eti intte yashshatettaanne intte geeshsha de7uwaa be7idi ammanana mala, etau haarettite.

Daannatu Maxaafaa 13:23

SHin a zaarada, “GODAI nuna woranau koyidobaa gidiyaakko, xuuggiyo yarshshuwaanne kattaa yarshshuwaa nu kushiyaappe ekkenna, woikko he ubbabaa nuna bessenna, woikko hagaa nuussi odenna” yaagaasu.