Leemiso Maxaafaa 30:5 - Wolaytta Bible

⁵ Xoossai odiyo qaalai ubbai tuma; baakko baqatidi biya ubbaassi i gonddalle.

Leemiso Maxaafaa 30:5 Iomraidhean Croise

Doomettaabaa 15:1

Hegaappe guyyiyan, GODAA qaalai ajjuutan Abraamakko yiidi, “Abraamaa, yayyoppa! Taani neeyyo gonddalle; ne woitoi keehi gita” yaagiis.

Sameela Maxaafaa Naa77anttuwaa 22:31

“Xoossaa ogee suure. GODAA qaalai ammanettiyaagaa. Akko baqatiya ubbatussi i gonddalle.

Mazamure Maxaafaa 119:140

Neeni giido qaalai daroppe ammanettiyaagaa; taani, ne ashkkarai a siiqais.

Mazamure Maxaafaa 12:6

GODAA qaalati walahi bainna geeshshata; coociyaa taman laapputoo tigettida biraadan geeyidaageeta.

Mazamure Maxaafaa 144:2

I tana siiqiya Xoossaanne ta qatuwaa; i ta miixaanne tana ashshiyaagaa. I ta gonddalliyaanne taani baqatada attiyo soho. Kawotettata i taayyo haarissiyaagaa.

Mazamure Maxaafaa 18:2

GODAI tau wogga zaallaa; taani olaappe naagettiyo miixaa; i tana ashshiyaagaa. Ta Xoossai taani akko baqatiyo ta wogga zaallaa. I ta gonddalliyaa. I tana ashshiya wolqqaamaa; i taani qosetta attiyo soho.

Mazamure Maxaafaa 18:30

Xoossaa ogee suure. GODAA qaalai ammanettiyaagaa. Akko baqatiya ubbatussi i gonddalle.

Mazamure Maxaafaa 18:31

GODAAPPE attin, hara xoossi baawa; nu Xoossaappe attin, hara wogga zaalli baawa.

Mazamure Maxaafaa 19:8

GODAA wogai likke; wozanaa ufaissees. GODAA azazoi geeshsha; wozanaa poo7issees.

Mazamure Maxaafaa 3:3

SHin abeet GODAU, neeni ta yuushuwan gonddalle. Tana bonchchissiyaageenne gitayiyaagee nenattennee.

Mazamure Maxaafaa 84:11

GODAI Xoossai nuussi gonddallenne nuna naagiyaagaa; i nuussi bonchchuwaanne kehatettaa immees. Suuretettan hemettiyaageeta i lo77obaa ubbaa diggenna.

Leemiso Maxaafaa 2:7

I suuretussi maaddiya zoriyaa minjjees; boree bainnan hemettiyaageetassikka i gonddalle.

Leemiso Maxaafaa 29:25

Asassi yayyiyoobi he aawussi pire gidees; shin GODAN ammanettiya asi saro de7ees.

Roome 7:12

Hegaa gishshau, higgee geeshsha; azazoikka geeshsha, xillonne lo77o.

Yaaqooba 3:17

SHin bollappe yiya aadhdhida eratettai ubbaappe kase geeshsha. Qassi sarotetta, ashkkenne ero giyaagaa; qassi maarotettinne lo77o aifee kumidoogaa. Sireenne lo77o milatiya iitatetti bainnaagaa.