Leemiso Maxaafaa 30:12 - Wolaytta Bible

¹² Daro tunaa tuni uttidi, banttana geeshshadan qoodiya asati de7oosona.

Leemiso Maxaafaa 30:12 Iomraidhean Croise

Iyyooba Maxaafaa 33:9

'Taani geeshshanne boree bainna asa; taani xillonne nagara oottabeenna asa.

Mazamure Maxaafaa 36:2

Aissi giikko, i bana keehippe nashshees; hegaassi i ba nagaraa demmanaunne ixxanau danddayenna.

Mazamure Maxaafaa 51:2

Ta iitatettaappe tana mule meecca; ta nagaraappe tana geeshsha.

Mazamure Maxaafaa 51:7

Hiisoophphe giyo bonccuwan neeni tana geeshsha; taani geeyana. Tana meecca; taani shachchaappe aadhdhada booxxana.

Leemiso Maxaafaa 16:2

Asi oottiyo ooso ubbai au likke milatees; shin GODAI koiro denddo qofaa yiggi xeellees.

Leemiso Maxaafaa 21:2

Asi oottiyoobai ubbai aawussi likke milatees; shin GODAI a wozanaa qofaa paaccees.

Isiyaasa 1:16

Meecettite; geeyite; intte iita oosuwaa ta sinttappe diggite. Iitaa oottiyoogaa aggite;

Isiyaasa 65:5

Hegaa oottiiddi, eti qassi harata, 'Yan intteyyo de7ite; nuuni intteppe geeshsha gidiyo gishshau, nuukko shiiqoppite!' yaagoosona. Eti ta siire giddoppe kiyiya cuwanne gallassaa ubbaa eexxiya tama.

Ermmaasa 2:35

'Taani xillo; tumuppe GODAI ta bolli hanqqettenna' yaagaasa. Neeni, 'Taani nagara oottabeikke' giyo gishshau, taani ne bollan pirddana.

Ermmaasa 4:14

Nenoo Yerusalaamee, attana mala, ne wozanaa meeccada iitatettaappe geeshshargga! Iita qofai ne wozanan aude gakkanaashin gam77anee?

Hizqqeela 36:25

Taani inttena xillo haattan aracana; yaatada inttena intte tunatetta ubbaappenne intte eeqa ubbaappe geeshshana.

Hoose7a 12:9

GODAI hagaadan yaagees; “Taani inttena Gibxxe biittaappe kessada ehiida GODAA intte Xoossaa; Daase Baalaa gallassaadan, taani inttena naa77anttuwaakka dunkkaaniyan wottana.

Zakkaariyaasa 13:1

Ubbaappe Wolqqaama GODAI hagaadan yaagees; “He gallassi Daawita zaretanne Yerusalaamen de7iyaageeta nagaraappenne tunatettaappe geeshshanau pulttoi pulttana.

Luqaasa 16:15

SHin Yesuusi eta, “Intte asaa sinttan intte huuphiyaa xillissiyaageeta; shin intte wozanaa Xoossai erees; aissi giikko, asa sinttan bonchchettiyaagee Xoossaa sinttan tuna gidees.

Luqaasa 18:11

Parisaawee eqqidi, ba wozana giddon woossiiddi, ‘Xoossau, taani hara asa ubbaadan, worddanchcha, uuzenne shaaramuxa woi ha giiraa shiishshiyaagaa mala gidenna gishshau, nena galatais.

Koiro Qoronttoosa 6:11

Intteppekka issi issi asai hegeetu mala. SHin Godaa Yesuus Kiristtoosa sunttaaninne nu Xoossaa Ayyaanan intte meecettidetanne geeyideta; qassi xillideta.

Naa77antto Ximootiyoosa 3:5

Eti nu ammanuwaa bolla doonan ekkidabaa milatana; shin a tumu wolqqaa erikke gaana. Hegeetu mala asatukko shiiqoppa.

Tiitu 3:5

i ba maarotettaadankka, ooratta yeletaassi haniya meechchaaninne Geeshsha Ayyaanan ooraxxiyoogan nuna ashshidoogaappe attin, nuuni xillo oosuwaa oottidoogaana gidenna.

Ajjuutaa 1:5

Qassi haiquwaappe koiro denddida Na7aappe, sa7aa kawota haariya ammanettida markkaappe, Yesuus Kiristtoosappe aaro kehatettainne sarotettai intteyyo gido. I nuna siiqeesinne qassi nu nagaraa ailletettaappekka ba suuttan nuna kessiis.

Daannatu Maxaafaa 17:13

Miiki, “Issi Leewee taayyo qeese gidido gishshau, GODAI taayyo ubbabaa loittanaagaa erais” yaagiis.

Daannatu Maxaafaa 17:5

He Miikassi eeqau goinniyo keettai de7ees. I eefuudiyaanne so giddo eeqaa misileta giigissidi, he keettan ba naatuppe issuwaa qeese oottidi sunttiis.