Leemiso Maxaafaa 3:6 - Wolaytta Bible

⁶ Neeni oottiyo ooso ubban a sinttaya; i nena likke ogiyaa kaalettana.

Leemiso Maxaafaa 3:6 Iomraidhean Croise

Hanidabaa Odiya Koiro Maxaafaa 28:9

“Solomonaa, ta na7au, ne aawaa Xoossaa era. Ne kumetta wozanaaninne ne eeno giya qofan ayyo ootta. Aissi giikko, GODAI wozanaa ubbaa qorees; qofan de7iya halchchuwaa ubbaakka erees. Neeni a koyikko, i neeyyo beettana; shin neeni a aggikko, i nena merinau aggi bayana.

Izira Maxaafaa 7:27

Yerusalaamen de7iya GODAA Beeta Maqidasiyaa hagaadan loittana mala, kawuwaa wozanan ha qofaa wottida GODAASSI, nu aawatu Xoossaassi galatai gido!

Nahimiyaa Maxaafaa 1:11

Abeet Godau, taani ne ashkkarai woossiyo woosaanne nena bonchchanau dosiya, ne ashkkaratu woosaa ne haittai ezggo. Taani ne ashkkarai hachchi oottanau koyidobai taayyo ushachchanaadan, kawuwaa wozanaa shugissada tana maadda” yaagaas. Taani he wode kawuwaassi eessaa tigiyaagaa.

Nahimiyaa Maxaafaa 2:4

Kawoikka zaaridi, “Yaatin, ha77i taani neeyyo ai oottanaadan koyai?” yaagiis. Yaagin taani saluwaa Xoossaa woossa simmada,

Nahimiyaa Maxaafaa 7:5

Hegaappe guyyiyan, asaa kaalettiyaageeta, halaqatanne asa ubbaa shiishshada eta yeletaa maaran maaran mazggafana mala, Xoossai tana qofissiis. Omooduwaappe kasetidi simmida asaa yeletaa maaraa maxaafaakka demmaas; he maxaafan xaafettidaagee hagaa.

Mazamure Maxaafaa 32:8

GODAI, “Taani nena erissananne neeni baanau bessiya ogiyaa nena tamaarissana; taani nena zorananne naagana.

Leemiso Maxaafaa 11:5

Boree bainna uraa ogiyaa a xillotettai sittissees; shin iita urai ba iitatettan kunddees.

Leemiso Maxaafaa 16:3

Ne oottiyoobaa ubbaa hadaraa GODAAYYO imma; yaatikko, neeni halchchidobai polettana.

Leemiso Maxaafaa 16:9

Asi ba wozanan ba oottanabaa halchchees; shin halchchoi GODAI maaddin polettees.

Leemiso Maxaafaa 23:17

Nagaranchchata qanaatoppa; shin ubbatoo GODAASSI yayyiyoogaa aggoppa.

Isiyaasa 26:7

Xillotu ogee salalla. Abeet Xilluwau, neeni xillotu ogiyaa salallissaasa.

Isiyaasa 30:21

Intte ushachchi woikko haddirssi simmiyo wode, guyyeera inttena, “Ogee hagaa; an biite” yaagiya cenggurssaa intte siyana.

Isiyaasa 45:13

Taani Qiiroosa xillotettan denttaas; a ogiyaa ubbaakka suure oottana. Miishsha qanxxennan, woikko mattaaye immennan, i ta katamaa keexxana; ta asaakka omooduwaappe kessana' yaagees. Taani Ubbaappe Wolqqaama GODAI hagaa odais” yaagees.

Isiyaasa 48:17

GODAI, nena Woziyaagee, Israa7eela Geeshshai hagaadan yaagees; “Taani GODAI, ne Xoossai, nena maaddiyaabaa tamaarissiyaagaa. Neeni baanau bessiya ogiyankka nena kaalettiyai tana.

Ermmaasa 10:23

Abeet GODAU, asa de7oi he aawussi buzo gidennaagaanne ba hemetaa suurissanaagee aawu shene gidennaagaa taani erais.

Ermmaasa 42:3

Nuuni biyo ogiyaanne nuuni oottanabaa i nuna bessanaadan, GODAA ne Xoossaa nu gishshatau woossa” yaagidosona.

Qoodaabaa 9:20

Issitoo issitoo shaarai Xoossaa Dunkkaaniyaa bollan amarida gallassaa gam77ees. GODAA azazuwan eti dunkkaanoosona; qassi hegaadankka, GODAA azazuwan eti denddoosona.

Koiro Qoronttoosa 10:31

Simmi intte ai miikkonne, woi ai uyikkonne, woi intte ai oottikkonne, ubbabaa Xoossaa bonchchuwaassi oottite.

Naa77antto Qoronttoosa 8:16

SHin nuuni intteyyo qoppiyoogaa mala, gita qofaa Tiita qofissida Xoossaa galatai gakko.

Piliphphisiyuusa 4:6

Xoossaa intte woossiyo woosa ubban a keehi galatiiddi, inttena koshshiyaabaa ubbau woossiteppe attin, issibaukka hirggoppite.

Qolasiyaasa 3:17

Intte ai haasayiyaabaa woi ai oottiyaabaa gidikkokka, Aawaa Xoossaa Yesuusa baggaara galatiiddi, oottiyoobaa ubbaa Godaa Yesuusa sunttan oottite.

Qolasiyaasa 3:23

Intte oottiyo ooso ubbaa asau gidennan Godau oottiyoogaadan, wozanappe oottite.

Yaaqooba 1:5

SHin intteppe ooninne baayyo aadhdhida eratettai xayikko, borennan ubbau kehatettan immiya Xoossaa woosso. I ayyo immana.

Sameela Maxaafaa Koiruwaa 30:8

Daawiti GODAA, “Taani ha woraajjidaageetu geeduwaa kaallada boo? Biikko taani eta gakkanee?” yaagidi oichchiis. Oichchin GODAI, “Ee; eta kaallada ba; eta neeni gakkana; omoodettidaageetakka zaarana” yaagiis.