Leemiso Maxaafaa 29:25 - Wolaytta Bible

²⁵ Asassi yayyiyoobi he aawussi pire gidees; shin GODAN ammanettiya asi saro de7ees.

Leemiso Maxaafaa 29:25 Iomraidhean Croise

Doomettaabaa 20:11

Oichchin Abrahaami yaagiis; “'Xoossau yayyiya issi asinne ha sohuwan baawa' gaada qoppido gishshaassanne, 'Ta keettaayee gaasuwan eti tana worana' gaada qoppido gishshassa.

Doomettaabaa 20:2

Yan Abrahaami ba keettaayyiyo Saaro, “A ta michchiyo” yaagiis. Yaagin Garaara Kawoi Abimeleki kiittidi Saaro efiis.

Doomettaabaa 26:7

He biittaa asai Ribiqibaa denttidi Yisaaqa, “Hanna neeyyo aibee?” yaagidi oichchiis. Oichchin i, “Hanna taayyo michchiyo” yaagiis. Aissi giikko, i Ribiqa daro meranchcha gidiyo gishshau, “Taani, 'A ta keettaayyiyo' giikko, ha sohuwaa asai i gaasuwan tana woranaakkonne” yaagi qoppidi yayyiis.

Kawotu Maxaafaa Koiruwaa 19:3

Yaatin, Eelaasi ba shemppuwau yayyidi, Yihudaa biittan de7iya Berssaabeha yiis. Ba ashkkaraa hegan yeggiis;

Hanidabaa Odiya Koiro Maxaafaa 5:20

Eti he asatuura olettiiddi, Xoossaakko waassido gishshau, maaduwaa demmidosona. Eti Xoossan ammanettido gishshau, i etau woosettiis. Hegaa gishshau, Aggaari yaratinne etaara de7iya harati eta kushiyan gelidosona.

Mazamure Maxaafaa 118:8

Asan ammanettiyoogaappe GODAAKKO baqatiyoogee lo77o.

Mazamure Maxaafaa 119:117

Tana zemppissa; yaatikko, taani saro de7ana; taani ubba wode ne awaajjuwaa ezggana.

Mazamure Maxaafaa 125:1

GODAN ammanettiyaageeti qaaxxanau danddayenna, merinau de7iya Xiyoone Deriyaa mala.

Mazamure Maxaafaa 69:29

Taani waayettaiddanne tuggataidda de7ais. Abeet Xoossau, tana ashshada, saro sohuwan wotta.

Mazamure Maxaafaa 91:1

Ubbaappe Xoqqiya Xoossan naagettidi de7iyaanne Ubbaappe Wolqqaama Xoossaa kuwaa giddon aqiya asi GODAASSI yaagana, “Neeni taayyo qatonne baqata attiyo soho; neeni taani ammanettiyo ta Xoossaa” yaagana.

Mazamure Maxaafaa 91:14

Xoossai hagaadan yaagees; “I tana siiqido gishshau, taani a ashshana. I ta sunttaa erido gishshau, taani a naagana.

Leemiso Maxaafaa 16:20

GODAA qaalaa loittidi ezggiya urau i oottiyoobai ubbai injjettana; GODAN ammanettiya uri anjjettidaagaa.

Leemiso Maxaafaa 18:10

GODAA sunttai mino gimbbe mala; xillo asi yaa woxxidi saro attana.

Leemiso Maxaafaa 28:25

Yaaretiya urai ooshshaa denttees; shin GODAN ammanettiyaagee kallees.

Leemiso Maxaafaa 30:5

Xoossai odiyo qaalai ubbai tuma; baakko baqatidi biya ubbaassi i gonddalle.

Eranchchaa Maxaafaa 7:18

Ha ubbankka Xoossaassi yayyiya urai, meto ubbaappe xoonuwan kiyanau danddayiyo gishshau, neeni daro iita woikko daro xillonne gidennan giddo asa gida.

Isiyaasa 57:11

“Intte oossi yayyidi, taayyo worddotidetii? Intte tana hassayibeekketa; intte wozanankka qoppibeekketa. Taani daro wodiyaa co77u giido gishshaassa gidennee, intte taassi yayyennan aggidoogee?

Daaneela 3:28

Hegaappe guyyiyan, Naabukadanaxoori hagaadan yaagiis; “Sidiraaqa, Misaaqanne Abddanaago Xoossai galatetto! I ba kiitanchchaa kiittidi, banan ammanettida ba ashkkarata ashshiis. Eti kawuwaa azazuwaa ixxidosona; bantta Xoossaappe attin, hara xoossaassi oottanaappenne goinnanaappe haiqqanaagaa dosidosona.

Daaneela 6:23

Yaagin kawoi keehippe ufaittiis; ufaittidi Daaneela ollaappe kessanaadan azaziis. Daaneeli ollaappe kiyiis; ba Xoossan i ammanettido gishshau, a bollan aiba deshettikka beettibeenna.

Maatiyoosa 10:28

Ashuwaa woriyaageetuyyo yayyoppite; eti shemppuwaa woranau danddayokkona. SHin shemppuwaanne ashuwaa gaannabiyan xaissanau danddayiya Xoossaassi yayyite.

Maatiyoosa 15:12

Hegaappe guyyiyan, erissiyo ashkkarati akko yiidi, “Parisaaweti neeni haasayidoogaa siyidi, hanqqettidoogaa akeekai?” yaagidosona.

Luqaasa 12:4

“Ta ishatoo, taani intteyyo odais; ha77i ashuwaa woridi, guyyeppe ainne hegaappe aadhdhiyaabaa oottanau danddayennaageetau yayyoppite.

Yohaannisa 3:2

Niqoodimoosi qammi Yesuusakko yiidi, “Tamaarissiyaagoo, neeni Xoossai kiittido tamaarissiyaagaa gidiyoogaa nuuni eroos; aissi giikko, Xoossai aara de7iyo asappe attin, ha neeni oottiyo wolqqaama malaatata oottanau danddayiya asi baawa” yaagiis.

Yohaannisa 9:22

Bitaniyaa aayyiyaanne aawai Aihudatuyyo yayyido gishshau, hegaa giidosona; aissi giikko, Aihudati Yesuusi Kiristtoosa yaagidi markkattiya urai de7ikko, he uraa Aihuda woosa keettaappe kessanau kasetidi qachchi wottidosona.

Zaarettido Wogaa 1:17

Intte pirddan issi baggaa maaddoppite; gitaagaa siyiyoogaadan, guuttaagaakka hegaadan siyite; asa som77uwaassi yayyoppite; aissi giikko, pirddi Xoossaabaa. Qassi intteyyo daro deexo gidida mootuwaa taakko ehiite; hegaa taani pirddana' yaagaas.

Koiro PHeexiroosa 1:21

Intte ammanoinne intte ekkana giidi ufaissan naagi uttidobai Xoossan de7ana mala, Xoossai haiquwaappe a denttidi, ayyo bonchchuwaa immidaagan aani ammanetta.

Daannatu Maxaafaa 16:11

Yaagin i o, “Asi go7ettibeenna ooratta wodoruwan tana qachchikko, daafurada, hara asadan hanana” yaagiis.

Sameela Maxaafaa Koiruwaa 15:24

Saa7ooli Sameela, “Taani nagaraa oottaas; GODAA azazuwaanne ne qaalaa toochchaas. Taani asaayyo yayyido gishshau, eti giidobaa oottaas.

Sameela Maxaafaa Koiruwaa 21:13

Hegaa gishshau, Daawiti eta sinttan wozani boshettido asa milatiis; eti a oiqqana haniyo wode, gooyiyaabaadan kare penggiyaa ifittaa qaaceretteesinne buuchchaara duge zaaridi saassuwaa lokkayees.

Sameela Maxaafaa Koiruwaa 27:1

Daawiti ba wozanan, “Issi gallassi taani Saa7oola kushiyan daafettana; taani Pilisxxeema biitti baqatanaappe attin, harabi taayyo lo77enna. Yaatin, Saa7ooli Israa7eela biitta ubban tana koyiyoogaa aggana; yaanikko taani a kushiyaappe kessa ekkana” yaagidi qoppiis.

Sameela Maxaafaa Koiruwaa 27:11

Etappe issi asinne Gaate katamaa yiidi, “Daawiti hagaa oottiis” giidi odenna mala, Daawitinne a asati maccaa attumaa ashshennan wurssi woroosona. Daawiti Pilisxxeema biittan de7ido wode ubban hegaadan oottiis.