Leemiso Maxaafaa 28:26 - Wolaytta Bible

²⁶ Banan ammanettiya asi eeyya; shin aadhdhida eratettan hemettiyaagee saro de7ees.

Leemiso Maxaafaa 28:26 Iomraidhean Croise

Kawotu Maxaafaa Naa77anttuwaa 8:13

Hazaa7eeli zaaridi, “Taani ne ashkkarai, pattenna kanai, hagaa mala gitabaa oottanau waatada danddayiyaanaa?” yaagiis. Yaagin Elssaa7i zaaridi, “Neeni Sooriyaa biittan kawotanaagaa tana GODAI bessiis” yaagiis.

Iyyooba Maxaafaa 28:28

Hegaappe guyyiyan, Xoossai asaassi odiiddi, 'Xoossaassi yayyiyoogee aadhdhida eratetta; iitaappe haakkiyoogeekka akeeka' yaagees” yaagiis.

Leemiso Maxaafaa 2:12

Aadhdhida eratettai nena iita asatu balaappe naagana; geellabaa haasayiyaageetuppekka ashshana.

Leemiso Maxaafaa 26:12

Barkka bana, “Taani aadhdhida eranchchaa” giya asa be7adii? Appe eeyya urau sinttanaa lo77o qaadai de7ees.

Leemiso Maxaafaa 3:5

Ne polo wozanan GODAA ammanetta; ne akeekan zemppoppa.

Leemiso Maxaafaa 3:7

Nena ne huuphen aadhdhida eranchcha kessoppa; GODAASSI yayya; iitaappekka haakka.

Ermmaasa 17:9

“Asa wozani ubbabaappe aadhdhi cimmiyaabaanne keehi daro iita. A ooni eranau danddayii?

Roome 8:7

Asatettaabaa qoppiyoogee Xoossau ixo; aissi giikko, asatettai Xoossaa higgiyau azazettenna; qassi azazettanaukka au danddayettenna.

Naa77antto Ximootiyoosa 3:15

Neeni guutta naatettaasappe doommada Kiristtoos Yesuusa ammanada, atotettai beettiyo aadhdhida eratettaa immanau danddayiya geeshsha maxaafata eradasa.

Yaaqooba 1:5

SHin intteppe ooninne baayyo aadhdhida eratettai xayikko, borennan ubbau kehatettan immiya Xoossaa woosso. I ayyo immana.