Leemiso Maxaafaa 28:13 - Wolaytta Bible

¹³ Ba nagaraa genttiya uri aacenna; shin paaxiyaageenne nagaraa aggiyaagee maarettana.

Leemiso Maxaafaa 28:13 Iomraidhean Croise

Doomettaabaa 4:9

Worin GODAI Qaayeela, “Ne ishai Aabeeli awaanee?” yaagidi oichchiis. Oichchin Qaayeeli zaaridi, “Taani erikke; ta ishaa naagiyaagee taneeyye?” yaagiis.

Sameela Maxaafaa Naa77anttuwaa 12:13

Yaagin Daawiti Naataana, “Taani GODAA bolli nagaraa oottarggaas” yaagiis. Yaagin Naataani, “GODAIKKA ne nagaraa atto girggiis; neeni haiqqakka.

Sameela Maxaafaa Naa77anttuwaa 14:32

Yaagin Abeseloomi Yoo7aaba, “Neeni taani kiittin yeennan ixxido gishshaassa. Neeni kawuwaakko baada, 'Abeseloomi hagaadan yaagees; “Taani Gashuura biittaappe aibissi yiidanaa? Taani hanno gakkanaashinkka yan de7idabaa gidiyaakko taayyo keha shin” yaagees' gaada taayyo oichchanaadan koyaas. Ha77ikka taani kawuwaa som77uwaa be7anau koyais; taani mooranchcha gidikko, i tana woro” yaagiis.

Kawotu Maxaafaa Naa77anttuwaa 20:15

Isiyaasi qassikka, “Eti ne son ai ai be7idonaa?” yaagiis. Yaagin Hizqqiyaasi, “Eti ta son de7iya ubbabaa be7idosona; ta buquraa minjjiyo keettan de7iyaabaappe taani eta bessabeennabi aibinne baawa” yaagiis.

Hanidabaa Odiya Naa77antto Maxaafaa 6:26

“Ne asai ne bolli nagaraa oottido gaasuwan saloi gorddettiininne irai bukkennan ixxin, eti ha sohuwaa simmidi, woossikkonne neeni eta un77ettido gishshau, ne sunttaa xeesidi, bantta nagaraappe simmikko,

Izira Maxaafaa 10:11

Ha77i intte nagaraa GODAASSI, intte maizza aawatu Xoossaassi paaxite; i dosiyoobaakka oottite. He biittan de7iya Aihuda gidenna asatuppenne Aihuda gidenna intte machchetuppe shaahettite” yaagiis.

Izira Maxaafaa 10:2

Hegaappe guyyiyan, Elaama yara gidiya Yihi7eela na7ai SHakaanee hagaadan yaagiis; “Nuuni ha biittan de7iya Aihuda gidenna maccaasata machchido gishshau, nu Xoossaassi ammanettibookko. Gidikkonne, qassi Israa7eelassi ha77ikka hidootai de7ees.

Nahimiyaa Maxaafaa 9:2

Banttana allaga dere asa ubbaappe shaakkidosona. Hegaappe guyyiyan eqqi denddidi, etinne kase eta aawati oottido nagaraa ubbaa paaxidosona.

Iyyooba Maxaafaa 31:33

Asai qosiyoogaadan, taani ta nagaraa ta shophphan qosabeikke.

Iyyooba Maxaafaa 33:27

He wode asaa sinttan i hagaadan yaagidi yexxana; 'Taani nagaraa oottaas; suurebaakka geellayaas; shin Xoossai ta mooruwaadan taayyo qanxxibeenna.

Iyyooba Maxaafaa 34:31

“Iyyoobaa, ne nagaraa Xoossaayyo paaxadii? Qassi zaarada nagara oottennaadan geppadii?

Mazamure Maxaafaa 51:10

Abeet Xoossau, geeshsha wozanaa ta giddon medhdha; ammanettiya ayyaanaa ta giddon ooraxissa.

Leemiso Maxaafaa 10:12

Ixoi palamaa denttettees; shin siiqoi mooruwaa ubbaa qoodenna.

Leemiso Maxaafaa 17:9

Naaqettidi ba naaquwaa genttiya urai siiquwaa koyees; shin yoho zaari zaaridi woociya urai, ammanettiya laggeta shaakkees.

Isiyaasa 55:7

Iitai ba oosuwaa, nagaranchchaikka ba qofaa aggo; GODAAKKO i simmo. Simmin i a maarana. I nu Xoossaakko simmo. Simmin i ayyo coo atto gaana.

Ermmaasa 2:35

'Taani xillo; tumuppe GODAI ta bolli hanqqettenna' yaagaasa. Neeni, 'Taani nagara oottabeikke' giyo gishshau, taani ne bollan pirddana.

Daaneela 4:27

Hegaa gishshau, kawuwau, ta zoriyaa ekka. Nagaraa oottiyoogaa aggada, xillobaa ootta; huqqunnettidaageeta naaqqiyoogaa aggada, etau qaretta. Yaatin, geella neeni saro de7ana wodee aduqqikkonne' yaagiis.

Wogaabaa 5:5

“'Ai asinne ha odettida moorotuppe issuwaa oottidabaa gidikko, ba oottido nagaraa paaxo.

Yoonaasa 3:10

Eti bantta iita ogiyaappe simmidoogaa Xoossai be7ido wode, etau qarettidi, eta bolli ehaana giido iitabaa aggi bayiis.

Yesuusi Kiittidoogeetu Oosuwaa 26:20

SHin taani kasetada, Damasqqooninne Yerusalaamen hegaappe guyyiyan, Yihudaa biitta ubban de7iyaageetussinne Aihuda gidennaageetussi bantta nagaraappe simmana mala, qassi nagaraappe simmanau bessiyaabaa oottiiddi, Xoossaakko simmana mala qaalaa yootaas.

Daannatu Maxaafaa 10:15

SHin Israa7eela asai zaarettidi GODAA, “Nuuni nagaraa oottida. Neeyyo lo77o milatiyaabaa nu bolli ootta; shin hayyanaa, hachchi nuna ashsha” yaagiis.

Sameela Maxaafaa Koiruwaa 15:13

Yootin Sameeli Saa7oolakko gakkiis; gakkin Saa7ooli Sameela, “GODAI nena anjjo; taani GODAA azazuwaa oottaas” yaagiis.

Sameela Maxaafaa Koiruwaa 15:24

Saa7ooli Sameela, “Taani nagaraa oottaas; GODAA azazuwaanne ne qaalaa toochchaas. Taani asaayyo yayyido gishshau, eti giidobaa oottaas.

Sameela Maxaafaa Koiruwaa 15:30

Yaagin Saa7ooli Sameela, “Taani nagaraa oottaas; shin ta biittaa cimatu sinttaaninne Israa7eela asaa sinttan hai tana kaushshopparkkii; taani GODAAYYO, ne Xoossaayyo goinnanaadan, neeni tanaara hinddarkkii” yaagidi zaariis.