Leemiso Maxaafaa 28:1 - Wolaytta Bible

¹ Iitati ooninne yedettennan baqatoosona; shin xilloti gaammo mala xala.

Leemiso Maxaafaa 28:1 Iomraidhean Croise

Kawotu Maxaafaa Koiruwaa 1:49

Hegaa siyidi, Adooniyaa imattati ubbai dagammi denddidi, laalettidosona.

Kawotu Maxaafaa Naa77anttuwaa 7:15

Azazin eti Sooretu geeduwaa kaallidi, Yorddaanoosa SHaafaa gakkanaashin biidosona. Sooriyaa asati baqatiiddi olido maayoinne ola miishshainne ogiyan kumiis. Kiitetti biida asati guyye simmidi, kawuwaayyo yootidosona.

Nahimiyaa Maxaafaa 6:11

Taani hagaadan yaagada zaaraas; “Tana milatiya asi baqatidi qosettii? Woi qassi tana milatiya asi Beeta Maqidasiyaa giddo gelidi, ba shemppuwaa ashshii? Taani hegaa mulekka oottikke” yaagaas.

Iyyooba Maxaafaa 15:21

Ubbaton daganttiya cenggurssai a haittan siyettees; i saro de7ais giishin, panggati a bolli yaana.

Mazamure Maxaafaa 112:7

Iitabaa i siyikkokka dagammenna; aissi giikko, a wozanai yeeqenna; GODAN i ammanettees.

Mazamure Maxaafaa 53:5

Eti kase dagammi erennaagaa keenaa dagammana. Aissi giikko, Xoossai ba asaa morkkiyaageetu meqettaa laalana. Xoossai eta karido gishshau, eti yeellatana.

Mazamure Maxaafaa 53:6

Israa7eelayyo atotettai Xiyooneppe yeerennee! Xoossai ba asaa omooduwaa zaariyo wode, Yaaqooba zareti ufaittana; Israa7eela asai ufaissau poccu gaana.

Kessaabaa 11:8

Ha ne sunttati ubbai duge taakko yiidi, ta sinttan gufannidi ziggana; ziggidi, 'Kiyada barkkii! Nena kaalliya asai ubbaikka bo!' yaagana. Hegaappe guyyiyan taani baana” yaagiis. Hegaappe guyyiyan Muusee hanqquwaa suulliiddi, kawuwaa sinttappe kiyidi biis.

Leemiso Maxaafaa 10:9

Suure asi saro de7ees; shin geella urai ba mooruwan ohettees.

Leemiso Maxaafaa 27:27

Attiya deeshshatu maattai neessi, ne so asaassinne ne macca ashkkaratussi quma gidana.

Isiyaasa 30:17

Issi tooranchchaa be7idi, intteppe sha7u asai baqatana; ichchashu tooranchchati inttena muliyaa yedettana. Deriyaa huuphiyan essido banddiraa mittaappe attin, intte tooranchchatuppe issoinne attenna” yaagees.

Isiyaasa 7:2

Sooriyaa biittai Efireema biittaara issippe olau caaqettidoogaa Daawita zariyaappe kawotida kawoi siyido wode, deriyan carkkoi qaattiyo mittaadan, a wozanainne a asaa wozanai dagaman shabbirettiis.

Ermmaasa 20:4

Aissi giikko, GODAI hagaadan yaagees; 'Taani nena ne huuphiyaayyoonne ne laggetu ubbaayyo dagama kessana. Eti neeni xeellishin, bantta morkketu bisuwan wurana. Taani Yihudaa asaa ubbaa Baabiloone kawuwaa kushiyan aattada immana. I eta omooddidi, Baabiloone efaana; efiidi yan bisuwan eta worana.

Wogaabaa 26:17

Taani ta som77uwaa intte bolli tukkana; intte morkketu sinttan intte kunddana; inttena ixxiyaageeti inttena haarana; qassi ooninne yedettennan intte baqatana.

Wogaabaa 26:36

“Intte intte morkketu biittan de7iyo wode, intteppe shaahettidi, guyye attidi de7iyaageetu wozanan taani yashshaa yeddana; carkkoi qaattiyo bonccuwaa cenggurssai eta shabbirana; eti bisuwaappe baqatiyaabaadan baqatana; qassi eta ooninne yedettennan eti kunddana.

Yesuusi Kiittidoogeetu Oosuwaa 14:3

Yesuusi kiittidoogeeti hegan daro wodiyaa gam77idosona; eti Godaabaa yayyennan yootidosona; yootin Godai malaataanne oorattabaa eti oottana mala, etau wolqqaa immidoogan ba aaro kehatettaa qaalaabai tuma gididoogaa markkattiis.

Yesuusi Kiittidoogeetu Oosuwaa 4:13

Yaa7aa asai PHeexiroosinne Yohaannisi xalido xalaa be7ido wode, eti tamaaribeenna coo asa gididoogaa akeekidi garamettidosona; qassi eti Yesuusaara de7iyoogaa eridosona.

Zaarettido Wogaa 28:25

“GODAI nena ne morkketun xoonissana; neeni eta olanau issi ogiyaara kiyana; shin laappun ogiyaara ne eta sinttappe baqatana. Biittan de7iya kawotetta ubbai ne bolli gakkidabaa be7idi, yashshan shabbirettana.

Zaarettido Wogaa 28:7

“Ne bollan denddiya ne morkketa GODAI ne sinttan xoonettidaageeta oottana. Eti ne bolli issi ogiyaara yaana; shin laappun ogiyaara ne sinttappe baqatidi xayana.

Koiro Tasalonqqe 2:2

SHin nuuni inttekko yaanaappe kase Piliphphisiyuusa giyo kataman waayettidoogaanne cayettidoogaa intte ereeta; daro phalqqettai de7ikkokka, intteyyo a wonggeliyaa mishiraachchuwaa yootana mala, Xoossai nuuyyo minotettaa immiis.