Leemiso Maxaafaa 26:24 - Wolaytta Bible

²⁴ Lo77o milatiya iita asi ba wozanan de7iya iitatettaa ba nasho haasayan genttees.

Leemiso Maxaafaa 26:24 Iomraidhean Croise

Doomettaabaa 34:13

Bantta michchiyo Diino SHekeemi tunissido gishshau, Yaaqooba attuma naati SHekeemayyoonne a aawaa Hamoorayyo worddobaa yootidosona;

Sameela Maxaafaa Naa77anttuwaa 13:26

Abeseloomi kawuwaa, “Neeni baana xayikko, ta ishaa Aminooni nunaara bo” yaagiis. Yaagin kawoi, “I nenaara aibissi bii?” yaagiis.

Sameela Maxaafaa Naa77anttuwaa 13:27

SHin Abeseloomi shoobbidi aggennan ixxin, Daawiti Aminoonanne ba attuma naata hinkkoota aara yeddiis.

Sameela Maxaafaa Naa77anttuwaa 20:9

Yoo7aabi Amaasa, “Ta ishau, neeni saro de7ai?” yaagiis; yaagidi Yoo7aabi Amaasa yeranau ba ushachcha kushiyan a buuchchaa oiqqiis.

Nahimiyaa Maxaafaa 6:2

Hegaa eti siyido wode, Sanbbalaaxinne Gesheemi hagaadan yaagidi, taakko kiittidosona; “Oono giyo dembban de7iya qeeri katamatuppe issuwan yaada nunaara gaitta” yaagidosona. SHin eti ta bolli iitaa oottanau maqettidosona.

Mazamure Maxaafaa 12:3

Abeet GODAU, ha sheleeshshiya doonaa bara. Otoruwan, “Nuuni nu inxxarssan xoonana; nu inxxarssai nuugaa; nu godai oonee?” yaagidi, ceeqettiya inxxarssa ubbaa neeni qanxxa ola.

Mazamure Maxaafaa 28:3

Tana iita asatuura gattada oiqqoppa; eti iitabaa oottiyaageeta. Hegeeti bantta wozanan kobabaa qoppi uttidi, bantta doonan bantta shooruwaara sarobaa haasayiyaageeta.

Mazamure Maxaafaa 41:6

Tana be7anau yiya ooninne taayyo worddobaa yootees; ba wozanan tana zigiriyoobaa qorees. Hegaappe guyyiyan, kare kiyidi, yan han oduwaa laalees.

Leemiso Maxaafaa 10:18

Ixxiiddi ba ixxiyoogaa erissenna urai worddanchcha; zigirssaa laaliya uraikka eeyya.

Leemiso Maxaafaa 11:1

GODAI worddo meezaanaa ixxees; shin likke meezaanan ufaittees.

Leemiso Maxaafaa 12:17

Tumaa haasayiya asi suurebaa yootees; shin worddo markkai wordduwaa yootees.

Leemiso Maxaafaa 12:20

Iitaa qoppiyaageetu wozanan genee de7ees; shin sarobaa zorettiyaageetu wozanan ufaissai kumees.

Leemiso Maxaafaa 12:5

Xillotu qofai suure; shin iitatu zoree cimo.

Leemiso Maxaafaa 14:8

Cincca asi ba oottiyoogaa eriyo gishshau, aadhdhida eranchcha gidees; shin eeyya asi ainne erennankka eriyaabaa milatiyo gishshau eeyya gidees.

Leemiso Maxaafaa 23:7

Milatissanau i nena, “Ma; uya” yaageesippe attin, a wozanai nenaara de7enna.

Ermmaasa 9:4

Qassikka GODAI hagaadan yaagees; “SHooroi shooruwaappe naagettite; intte ishatakka ammanettoppite. Aissi giikko, ishi ubbi cimmiyaagaanne shooro ubbi zigiriyaagaa.

Sameela Maxaafaa Koiruwaa 18:17

Hegaappe guyyiyan, Saa7ooli Daawita, “Ta na7iyaa bairiyaa Meraaba hannaho; taani o neeyyo machcho immana; neeni mino asa gida; yaatada GODAA olaa oletta” yaagiis. Saa7ooli ba wozanan, “Taani a bochchikke; Pilisxxeema asati a worona” yaagidi qoppiis.