Leemiso Maxaafaa 26:2 - Wolaytta Bible

² Kafoti yaanne haanne paallidi, asa qohennaagaadan, gaasoi bainnan qanggiyo qanggetti asa gakkenna.

Leemiso Maxaafaa 26:2 Iomraidhean Croise

Sameela Maxaafaa Naa77anttuwaa 16:12

Ooni erii, GODAI ta metuwaa be7idi, taani hachchi ekkiyo qanggettaa gishshau taayyo kehaa zaaranaakkonne” yaagiis.

Sameela Maxaafaa Naa77anttuwaa 16:8

Neeni Saa7oola sohuwan kawotadasa; neeni gussido Saa7oola asaa suuttaa ubbaa GODAI ne bolli zaariis; qassi GODAI kawotettaa ne na7aa Abeseloomayyo sheedhdhiis. Neeni suutta gussida asa gidiyo gishshau, neeni xayiyo wodee gakkiis” yaagiis.

Nahimiyaa Maxaafaa 13:2

Aissi giikko, Israa7eela asai Gibxxeppe kiyidi, Kanaane biyo wode, Moo7aabanne Amoona biittaa asai etau kattaanne haattaa immennan ixxidosona. Hegaa bollikka qassi Israa7eela asaa qanggana mala, Balaamassi miishshaa immidi shammidosona. Gido shin, nu Xoossai qanggettaa anjjuwau laammiis.

Mazamure Maxaafaa 109:28

Eti tana qanggikkonne, neeni tana anjja! Ta bolli denddiyaageeti yeellatona; shin tana ne ashkkaraa ufaissa.

Leemiso Maxaafaa 27:8

Ba soo aggidi yuuyiya asi, ba keettaappe haakkada paalliya kafee mala.

Isiyaasa 16:2

Moo7aaba maccaasai bantta de7iyo keettaappe gaxan laalettida kafotudan, Arnnoona SHaafaa lanqqiyan laalettana.

Qoodaabaa 23:8

Xoossai qanggibeennaageeta taani waata qanggoo? GODAI, 'Wurite!' yaagibeennaageeta taani waatada, 'Wurite!' yaagoo?

Sameela Maxaafaa Koiruwaa 17:43

Karidi Daawita, “Neeni gatimaa oiqqada ta bolli yaanau, tana kana gaadiiyye?” yaagiis; yaagidi ba xoossatu sunttan Daawita qanggiis.