Leemiso Maxaafaa 24:9 - Wolaytta Bible

⁹ Eeyyatettaa qofai nagara; asai qilliicciyaagaa ixxees.

Leemiso Maxaafaa 24:9 Iomraidhean Croise

Doomettaabaa 6:5

GODAI he wode sa7aa bollan de7iya asaa iitatettai daridoogaanne eti wozanan qoppiyoobai ubbai ubba wodekka iita xalaala gididoogaa be7iis;

Doomettaabaa 8:21

Yaatin GODAI yarshshuwaa peenuwaa sawiyaagaa singgidi, ba wozanan hagaadan yaagiis; “Naatettaasappe doommin, asi wozanan qoppiyoobai ubbai iita gidikkokka, taani asa gishshau gaada naa77antto mulekka ha sa7aa qanggikke. Qassi taani ha77i oottidoogaadan paxa de7iya mereta ubbaa naa77antto mulekka xaissikke.

Mazamure Maxaafaa 119:113

Taani naa77u qofai de7iyo asata ixxais; shin ne higgiyaa siiqais.

Leemiso Maxaafaa 21:24

Otorettiyanne ayyiya asi qilliicciyaagaa geetettees; i otoranchcha gidido gishshau, asau qoppenna.

Leemiso Maxaafaa 22:10

Qilliicciya asa diggarggikko, palamai, ooshshainne cashshai kichchana.

Leemiso Maxaafaa 23:7

Milatissanau i nena, “Ma; uya” yaageesippe attin, a wozanai nenaara de7enna.

Leemiso Maxaafaa 24:8

Iitaa oottanau halchchiya urai genanchcha geetettana.

Leemiso Maxaafaa 29:8

Qilliicciyaageeti kataman ooshshaa denttoosona; shin aadhdhida eranchcha asati hanqquwaa gabbissoosona.

Leemiso Maxaafaa 9:7

Qilliicciya uraa seeriya asi bau cashshaa ekkees; iita uraa zoriyaageekka bau qohettees.

Isiyaasa 55:7

Iitai ba oosuwaa, nagaranchchaikka ba qofaa aggo; GODAAKKO i simmo. Simmin i a maarana. I nu Xoossaakko simmo. Simmin i ayyo coo atto gaana.

Ermmaasa 4:14

Nenoo Yerusalaamee, attana mala, ne wozanaa meeccada iitatettaappe geeshshargga! Iita qofai ne wozanan aude gakkanaashin gam77anee?

Maatiyoosa 15:19

Aissi giikko, wozana giddoppe iita qofai, woriyoogee, shaaramuxiyoogee, qassi shaaramuxanau qaaqqatiyoogee ubbai, wuuqqiyoogee, wordduwaa markkattiyoogee, cashshai kiyees.

Maatiyoosa 5:28

SHin taani intteyyo odais; maccaaro xeellidi amottiya ubbai, ba wozana giddon he wode iira shaaramuxiis.

Maatiyoosa 9:4

Yesuusi eta qofaa eridi, eta hagaadan yaagiis; “Intte intte wozanan hegaadan iitabaa aissi qoppeetii?

Yesuusi Kiittidoogeetu Oosuwaa 8:22

Yaatada ha ne wozanaa iita qofaa gishshau, nagaraappe simma; geelladan ne wozanan de7iya iita qofaa Xoossai atto gaanaakkonne Xoossaa woossa.

Naa77antto Qoronttoosa 10:5

Nuuni asa qofa xaissoos; qassi Xoossaa eratettaa bolli denddidi xubbiya otoro qofa ubbaa laaloos. He qofa ubbai Kiristtoosayyo azazettana mala omooddoos.