Leemiso Maxaafaa 24:28 - Wolaytta Bible

²⁸ Ne shooruwaa bolli gaasoi bainnan markkattoppa; ne doonankka cimmoppa.

Leemiso Maxaafaa 24:28 Iomraidhean Croise

Iyyooba Maxaafaa 2:3

Yaagin GODAI a, “Ta ashkkaraa Iyyooba akeekada be7adii? Sa7aa bollan a milatiya boree bainnanne suure asi mulekka baawa. I GODAASSI yayyidi, iitabaappekka haakkida asa. Gaasoi bainnan taani a xaissana mala, neeni tana denttettinkka, ha77i gakkanaassi i ba suuretettan minni eqqiis” yaagiis.

Mazamure Maxaafaa 35:11

Wordduwaa markkattiyaageeti ta bolli denddoosona. Taani erennaban tana mootoosona.

Mazamure Maxaafaa 35:7

Coo tana oiqqanau bantta piriyaa wottidosona; qassikka coo tana oogganau ollaa bookkidosona.

Mazamure Maxaafaa 52:1

Nenoo, wolqqaama bitaniyau, Xoossaa asatu bolli iitabaa oottiyoogan, gallassa ubban aissi ceeqettai?

Kessaabaa 20:16

“Ne shooruwaa bollan wordduwaa markkattoppa.

Kessaabaa 23:1

“Worddo odo puukkoppa; worddo markka gidada, iita asa maaddoppa.

Leemiso Maxaafaa 14:5

Ammanettiya markkai ubbaton tumaa odees; shin worddo markkai worddo xalaalaa haasayees.

Leemiso Maxaafaa 19:5

Worddo markki qaxxayettennan beenna; wordduwaa haasayiyaageetikka kessi ekkokkona.

Leemiso Maxaafaa 19:9

Worddo markki qaxxayettennan attenna; wordduwaa haasayiyaageekka xayana.

Leemiso Maxaafaa 21:28

Worddo markkai xayana; shin qoppidi akeekan haasayiya uraa haasayai ehettana.

Leemiso Maxaafaa 25:18

Ba shooruwaa bolli wordduwan markkattiya asi dullai, bisoinne qara zubbee asa qohiyoogaa keenaa qohees.

Wogaabaa 19:11

“'Intte wuuqqoppite. “'Worddotoppite. “'Issoi issuwaa cimmoppite.

Wogaabaa 6:2

“Ai asinne ba shooroi hadara wottidobaa woikko tal77idobaa kaadiyoogan, woikko asabaa bonqqiyoogan, woikko ba shooruwaa bollan sugettaa oottiyoogan GODAA naaqqikko,

Wogaabaa 6:3

woikko bayidabaa demmidi ta be7abeikke giidi wordduwan caaqqikkonne hageeta milatiya asi oottiyoobatuppe issuwaa,

Maatiyoosa 27:23

PHilaaxoosi asaa, “Aissi? Ai iitabaa oottidee?” yaagiis. SHin asai kaseegaappekka ba qaalaa xoqqu oottidi, “Masqqaliyaa bolli misimaariyan xishettidi i kaqetto” yaagidosona.

Yohaannisa 15:25

SHin eta higgiyan, ‘Tana coo ixxidosona’ geetettidi xaafettidaagee polettana mala, hagee haniis.

Efisoona 4:25

Simmi worddotoppite. Nuuni ubbai Kiristtoosa asatettan issi asa gidiyo gishshau, asai ubbai ba ishau tumaa haasayanau bessees.

Qolasiyaasa 3:9

Issoi issuwau worddotoppite; aissi giikko, ceega meretaa a oosuwaara intteppe xaissirggidi,

Ajjuutaa 21:8

SHin yayyiyaageeti, ammanennaageeti, tunati, shemppo woriyaageeti, shaaramuxiyaageeti, bitiyaageeti, eeqassi goinniyaageetinne worddotiyaageeti ubbai de7iyo sohoi tamainne dinnee eexxiyo abbaa gidana. Hegee naa77antto haiqo” yaagiis.

Ajjuutaa 22:15

SHin kanati, bitiyaageeti, shaaramuxiyaageeti, shemppuwaa woriyaageeti, eeqassi goinniyaageetinne bantta haasayaaninne bantta oosuwan worddotiyaageeti kareera de7oosona.