Leemiso Maxaafaa 24:19 - Wolaytta Bible

¹⁹ Iitaa oottiyaageetu gishshau hirggoppa; eta mala gidarkkinaashsha gooppa.

Leemiso Maxaafaa 24:19 Iomraidhean Croise

Mazamure Maxaafaa 1:1

Iitatu zoriyan beennaagee, woikko nagaranchchatu ogiyan eqqennaagee, qilliicciyaageetu shiiquwan uttennaagee hegee anjjettidaagaa.

Mazamure Maxaafaa 119:115

Taani ta Xoossaa azazuwaa naagana mala, inttenoo, iitabaa oottiyaageetoo, taappe haakkite!

Mazamure Maxaafaa 37:1

Iitaa oottiyaageetu gishshau yiillotoppa. Nagaraa oottiyaageeta annaacoppa.

Mazamure Maxaafaa 73:3

Aissi giikko, iita asatuyyo sarotettai de7iyoogaa be7ada, he otoranchchata taani qanaataas.

Leemiso Maxaafaa 13:20

Aadhdhida eranchcha asatuura hemettiya asi aadhdhida eranchcha gidees; shin eeyya asatuura hemettiya asi metuwan gelees.

Leemiso Maxaafaa 23:17

Nagaranchchata qanaatoppa; shin ubbatoo GODAASSI yayyiyoogaa aggoppa.

Leemiso Maxaafaa 24:1

Ta na7au, iita asatu mala gidarkkinaashsha gooppa; etaara dabbotanaukka amottoppa;

Leemiso Maxaafaa 24:18

Neeni ufaittikko, GODAI hegaa be7idi ufaittenna; a hanqqettiyoogaakka aggiigana.

Qoodaabaa 16:26

Maabaraa i, “Ha iita asatu dunkkaanetuppe kichchite; etabaa gididabaa aibaanne bochchoppite. Hinkkoode eta nagaraa ubbaa gaasuwan inttekka pitetti xayana” yaagidi minttidi yootiis.

Naa77antto Qoronttoosa 6:17

Hegaadankka, qassi Godai, “Eta giddoppe kiyite; etappe shaahettite. Tunabaakka bochchoppite. Taani inttena mokka ekkana.

Efisoona 5:11

Go77i bainna xuma oosuwaa qonccissi bessiteppe attin aara walahettoppite.

Ajjuutaa 18:4

Hegaappe guyyiyan, taani saluwaappe hagaadan yaagiya hara cenggurssaa siyaas; “Ta asau, ippe kiyite! I nagaraa iira koxxoppite! I qixaatiyaa shaakkoppite.