Leemiso Maxaafaa 23:18 - Wolaytta Bible

¹⁸ Yaanikko neeyyo sinttanau sa7i kehana; sinttappe yaana kehikka neeyyo xayenna.

Leemiso Maxaafaa 23:18 Iomraidhean Croise

Mazamure Maxaafaa 19:11

Qassi tana ne ashkkaraa naagettanaadan zorees; ne higgiyaa naagiyoogan taani daro go7ettais.

Mazamure Maxaafaa 37:37

Ane lo77o asa akeeka; suure asa be7a; aissi giikko, saro asaassi sintta yeletai de7ana.

Mazamure Maxaafaa 58:11

He wode asai, “Tumakka xillotussi woitoi de7ees; tumakka sa7aa bolli pirddiya Xoossi de7ees” yaagana.

Mazamure Maxaafaa 9:18

Hiyyeesi ubbatoo dogetti attenna; woikko metootanchchi wottido ufaissi merinaayyo xayenna.

Leemiso Maxaafaa 24:14

Aadhdhida eratettaikka hegaa mala; i ne shemppuwau mal77o gidiyoogaa era. Neeni a demmiyaabaa gidikko, sinttaara yaana kehai neessa; neeni ekkana gaada ufaissan naagiyoobaikka xayenna.

Leemiso Maxaafaa 24:20

Aissi giikko, iita urau sinttaara yaana kehi baawa; iitatu xomppeekka to7ana.

Ermmaasa 29:11

Aissi giikko, taani intteyyo halchchiyo halchchuwaa taani GODAI erais; hegeenne, intteyyo sintta wodiyaanne ufaissaa immana mala, saro halchchoppe attin, iita halchcho gidenna.

Luqaasa 16:25

“SHin Abrahaami yaagiis; ‘Ta na7au, neeni ne de7uwaa wodiyan lo77obaa ekkin, Al77aazari iitabaa ekkidoogaa hassaya; shin ha77i i hagan ufaittiyo wode, neeni paxa kaa7ettaasa.

Piliphphisiyuusa 1:20

Ta gita amoinne Xoossaappe ekkana gaada taani ufaissan naagiyo naagoi aibee giikko, taani paxa de7inkka woi haiqqinkka yayyennan, kaseegaadan ha77ikka ta kumetta asatettan Kiristtoosi bonchchettanaagaappe attin, taani harai atto issibankka yeellatennan attanaassa.

Ibraawe 10:35

Hegaa gishshau, gita woituwaara de7iya intte xalatettaa oloppite.