Leemiso Maxaafaa 22:23 - Wolaytta Bible

²³ Aissi giikko, GODAI eta gishshaa mootettana; eta bonqqidaageetakka i bonqqana.

Leemiso Maxaafaa 22:23 Iomraidhean Croise

Mazamure Maxaafaa 103:6

GODAI naaqettidaageetussi xillobaa ootteesinne suure pirddees.

Mazamure Maxaafaa 12:5

GODAI, “Hiyyeesati un77ettido gishshaunne, metootanchchatu ooliyaa gishshau, ha77i taani denddana. Taani eti amottiyo sarotettan eta wottana” yaagees.

Mazamure Maxaafaa 12:6

GODAA qaalati walahi bainna geeshshata; coociyaa taman laapputoo tigettida biraadan geeyidaageeta.

Mazamure Maxaafaa 140:12

GODAI hiyyeesatussi pirddiyoogaanne metootanchchatu maataa naagissiyoogaa erais.

Mazamure Maxaafaa 140:13

Tumuppe xilloti ne sunttaa galatana; suure asati ne sinttan de7ana.

Mazamure Maxaafaa 35:1

Abeet GODAU, tanaara eqettiyaageetuura neeni eqetta; tanaara olettiyaageetuura neeni oletta.

Mazamure Maxaafaa 35:10

Ta kumetta asatettai nena, “Abeet GODAU, ne mali oonee? Hiyyeesaa wolqqaamaa kushiyaappe wotta ekkaasa. Hiyyeesaanne metootanchchaa bonqqi miyaageetu kushiyaappe ashshaasa” yaagana.

Mazamure Maxaafaa 43:1

Abeet Xoossau, tana shatintta. Xoossaa erenna deretuura ta mootuwaa neeni mootetta. Cimmiya iita asatuppe tana neeni ashsha.

Mazamure Maxaafaa 68:5

Xoossai ba de7iyo geeshsha sohuwan, aawi bainna naatussi aawa; qassi azinai haiqqido maccaasata naagiyaagaa.

Kessaabaa 22:22

Azinai haiqqido am77iyoonne aawai haiqqido hiyyeesaa un77oppite.

Kessaabaa 22:23

Intte eta un77in, eti taakko waassikko,

Leemiso Maxaafaa 21:7

Iitati suurebaa oottanau ixxiyo gishshau, eta makkala oosoi eta ekkidi bees.

Leemiso Maxaafaa 23:11

aissi giikko, eta ashshiya GODAI mino; i eta gishshaa nenaara mootettana.

Isiyaasa 33:1

Nenoo, nena xaissennan de7ishin xaissiyaagoo, neeyyo aayye7ana! Nenoo, nena aatti immennan de7ishin, aatta immiyaagoo, neeyyo aayye7ana! Neeni xaisuwaa aggido wode nena xaissana; neeni aatta imuwaa aggido wode nena aatti immana.

Ermmaasa 30:16

“SHin inttena biittaa kessi miida ubbati meetettana; intte morkketi ubbatikka omooduwau baana. Inttena bonqqidaageeti bonqqettana; inttebaa olan ekkidaageetubaakka olan ekkana.

Ermmaasa 50:34

SHin eta Woziyaagee mino; a sunttaikka Ubbaappe Wolqqaama GODAA. I eta biittaayyo shemppuwaa immanau, eta gishshau mootettees. SHin Baabiloone biittan de7iyaageetuyyo shabbirssaa immana.

Ermmaasa 51:36

Hegaa gishshau, GODAI Yerusalaame asaassi hagaadan yaagees; “Ne gishshataa taani mootettana; ne haluwaakka taani kessana. Taani Baabiloone haattaa melissana; a pulttotakka toissana.

Mikiyaasa 7:9

Taani GODAA naaqqaas; hegaa gishshau, i taayyo mootettidi, ta pirddaa kessana gakkanaashin, taani a hanqquwaa danddayana. I tana poo7uwau kessana; taanikka i ashshiyo ashettaa be7ana.

Imbbaaqooma 2:8

Neeni daro asaa aquwaa bonqqido gishshau, etappe attidaageeti ne aquwaa bonqqana. Aissi giikko, ne daro asaa suuttaa gussadasa; qassi sa7a ubban, katamatu bollinne etan de7iya asaa bollikka sugetta oosuwaa oottadasa.

Milkkiyaasa 3:5

Ubbaappe Wolqqaama GODAI hagaadan yaagees; “Hegaappe guyyiyan, taani pirddaa pirddanau inttekko yaana; yaada murunniyaageetu bolli, shaaramuxiyaageetu bolli, wordduwan caaqqidi markkattiyaageetu bolli, oosanchchatussi bessiya damoozaa immennan diggiyaageetu bolli, azinai haiqqido am77iyoonne aaya aawu haiqqido naata tuggayiyaageetu bolli, betiyaa pirddaa geellayiyaageetu bollinne taayyo yayyennaageetu bolli eesuwan markkattana” yaagees.

Sameela Maxaafaa Koiruwaa 24:12

Nebaanne tabaa GODAI pirddo; GODAI neeni tana qohidoogaa haluwaa kesso; shin taani ne bolli ta kushiyaa denttikke.

Sameela Maxaafaa Koiruwaa 24:15

GODAI nu giddon daannato; nebaanne tabaa i pirddo; ta yohuwaa xeellidi, ta gishshau i mootetto; ne kushiyaappe tana i ashsho” yaagiis.

Sameela Maxaafaa Koiruwaa 25:39

Naabaali haiqqidoogaa Daawiti siyido wode, “GODAI galatetto! Naabaali tana cayidoogaa haluwaa GODAI kessiis; taani a ashkkarai iitabaa oottennaadan teqqiis; Naabaali oottido iitatettaa GODAI a huuphiyan zaariis” yaagiis. Hegaappe guyyiyan, Daawiti Abigaalo ekkanau kiitaa yeddidi oishissiis.