Leemiso Maxaafaa 22:2 - Wolaytta Bible

² Duriyaanne manqquwaa ubbaakka GODAI medhdhiis; hegan eti naa77aikka lagge.

Leemiso Maxaafaa 22:2 Iomraidhean Croise

Iyyooba Maxaafaa 31:15

Aissi giikko, tana medhdhida Xoossai ta ashkkaratakka i medhdhiis. Nuna ubbaakka nu aayee nu aayee uluwan tilidaagee issi a xalaalaa.

Iyyooba Maxaafaa 34:19

Halaqatu som77uwaa xeellidi maaddenna; duriyaakka manqquwaappe aattidi xeellenna. Aissi giikko, eti ubbaikka a oosota.

Leemiso Maxaafaa 14:31

Hiyyeesata toochchiya asi eta Medhdhidaagaa cayees; shin metootanchchatussi kehiya asi Xoossaa bonchchees.

Leemiso Maxaafaa 29:13

Hiyyeesinne asa naaqqiya asi issibaa koxxoosona; eta naa77aa aifiyaakka GODAI xeelissees.

Koiro Qoronttoosa 12:21

Aifee kushiyaa, “Neeni tana koshshakka” gaanau danddayenna. Woikko qassi huuphee tohota, “Intte tana koshshekketa” gaanau danddayenna.

Sameela Maxaafaa Koiruwaa 2:7

GODAI manqqetteesinne dureyees; qassi i ziqqisseesinne xoqqissees.