Leemiso Maxaafaa 21:12 - Wolaytta Bible

¹² Xillo Xoossai iitatu son oosettiyaabaa ubbaa be7ees; eta aatti yeggidi xaissees.

Leemiso Maxaafaa 21:12 Iomraidhean Croise

Doomettaabaa 19:29

Xoossai he wombbaa katamata xaissido wode, Abrahaama hassayiis; hassayidi Looxee de7ido katamata xaissiiddi Looxa bashshaappe kessiis.

Iyyooba Maxaafaa 5:3

Eeyya urai minnidi de7iyaagaa taani ta huuphen be7aas; shin sohuwaarakka taani a keettaa qanggaas.

Iyyooba Maxaafaa 8:15

I ba shararoote keettan zemppees, shin eqqenna; i a oiqqana, shin a danddayenna.

Mazamure Maxaafaa 107:43

Eranchcha gidiyaagee ha yohuwaa qoppo; GODAA aggenna siiquwaa akeeko.

Mazamure Maxaafaa 52:5

SHin Xoossai nena merinau xaissana. I nena diippananne ne keettaappe dafidi kessana; i nena paxa de7iyaageetu giddoppe xoqollana.

Leemiso Maxaafaa 13:6

Suure de7uwaa de7iya uraa a xillotettai naagees; shin nagaranchchaa a nagarai onggees.

Leemiso Maxaafaa 14:11

Iitatu keettai qolettana; shin suuretu keettai minnidi de7ana.

Leemiso Maxaafaa 14:32

Iitati bantta iita oosuwan kunddana; shin xilloti bantta suuretettan naagettana.

Leemiso Maxaafaa 29:16

Iita asati dariyo wode, nagarai darees; shin xilloti eta kunddettaa be7ana.

Hoose7a 14:9

Aadhdhida erai de7iyo ooninne hagaa akeeko; wozani de7iyo ooninne hagaa ero. GODAA ogee suure; xilloti he ogiyaara hemettoosona. SHin nagaranchchati an xubettoosona.

Amoxa 4:11

GODAI, “Sadoomanne Gamoora katamata xaissidoogaadan, intteppekka darota xaissaas; ha attida inttekka tamaappe eexxiiddi attida xiifa mala; shin intte hegankka taakko simmibeekketa” yaagees.

Koiro Qoronttoosa 10:5

SHin Xoossai etappe dariya baggatun ufaittibeenna gishshau, eta ahai bazzon laalettiis.