Leemiso Maxaafaa 21:1 - Wolaytta Bible

¹ Kawuwaa wozanai GODAA kushiyaana; i a wozanaa goggiya haattaa zaariyoogaadan, ba koyidosaa zaarees.

Leemiso Maxaafaa 21:1 Iomraidhean Croise

Kawotu Maxaafaa Naa77anttuwaa 19:33

Asoore kawoi ba yiido ogiyaara guyye simmana; i ha katamaa gelenna. Taani GODAI hagaa odaas.

Izira Maxaafaa 1:1

Parsse Kawoi Qiiroosi kawotido koiro laittan, hananabaa yootiya Ermmaasa baggaara GODAI haasayidobaa poliis. Parsse Kawoi Qiiroosi ba kawotettaa giddon ubbasan hagaadan yaagidi awaajjanaadaaninne xaafidi wottanaadan GODAI a ayyaanaa denttettiis;

Izira Maxaafaa 1:2

“Parsse Kawoi Qiiroosi hagaadan yaagees; 'GODAI, saluwaa Xoossai ha sa7aa kawotettata ubbaa taayyo immiis; qassi Yihudan de7iya Yerusalaamen taani ayyo Beeta Maqidasiyaa keexxanaadan tana sunttiis.

Izira Maxaafaa 6:22

Qassi eti laappun gallassau Oittaa Baalaa ufaissan bonchchidosona; aissi giikko, GODAI eta ufaissiis; qassi Xoossaa, hegeekka Israa7eela Xoossaa Beeta Maqidasiyaa eti keexxidi polana mala, Asoore kawuwaa qofaa GODAI laammin, kawoi eta maaddiis.

Nahimiyaa Maxaafaa 1:11

Abeet Godau, taani ne ashkkarai woossiyo woosaanne nena bonchchanau dosiya, ne ashkkaratu woosaa ne haittai ezggo. Taani ne ashkkarai hachchi oottanau koyidobai taayyo ushachchanaadan, kawuwaa wozanaa shugissada tana maadda” yaagaas. Taani he wode kawuwaassi eessaa tigiyaagaa.

Nahimiyaa Maxaafaa 2:4

Kawoikka zaaridi, “Yaatin, ha77i taani neeyyo ai oottanaadan koyai?” yaagiis. Yaagin taani saluwaa Xoossaa woossa simmada,

Nahimiyaa Maxaafaa 2:8

Qassi Beeta Maqidasiyaa qatuwaa penggiyaa giigissanau, katamaa gimbbe dirssaa diranaunne taani de7iyo keettaa keexxanau taayyo mittaa immana mala, kawuwaa woraa naagiya Asaafassikka dabddaabbee xaafetto” yaagaas. Yaagin, Xoossaa lo77o kushee tanaara de7iyo gishshau, kawoi taani oichchidobaa ubbaa immiis.

Asttiri Maxaafaa 2:17

Gelido wode, kawoi hara maccaasa ubbaappe aattidi, o dosiisinne hara geela7otu ubbaappe in ufaittiis. Hegaa gishshau, kawotaa kallachchaa i huuphiyan goxxidi, o Asxxiini sohuwan kawiyo kessiis.

Mazamure Maxaafaa 105:25

I Gibxxe asai ba asaa ixxanaadaaninne ba ashkkarata cimmanaadan oottiis.

Mazamure Maxaafaa 106:46

Eta omooddida ubbai etau qarettanaadan oottiis.

Mazamure Maxaafaa 114:3

Zo7o Abbai hegaa be7idi baqatiis; Yorddaanoosa SHaafaikka guyye simmiis.

Mazamure Maxaafaa 114:5

Abbau, nena baqatissidabai aibee? Yorddaanoosa SHaafau, aissi guyye simmadii?

Mazamure Maxaafaa 74:15

Neeni pulttota dooya yeddadasa; ubbaton goggiya shaafata qassi melissadasa.

Mazamure Maxaafaa 93:4

Saluwan de7iya GODAI daro haattaa gunttaappekka, abbaa dambbalaappekka aadhdhida wolqqaama.

Kessaabaa 7:3

SHin taani kawuwaa wozanaa dammissana; taani Gibxxe biittan ta ooratta malaataanne maalaalissiyaabaa darissada oottikkokka,

Leemiso Maxaafaa 16:1

Asi ba wozanan halchchees; shin likke zaaroi GODAAPPE beettees.

Leemiso Maxaafaa 16:9

Asi ba wozanan ba oottanabaa halchchees; shin halchchoi GODAI maaddin polettees.

Leemiso Maxaafaa 20:24

Asai baanau bessiya ogiyaa GODAI kaalettees; yaatin, asi ba de7uwan baana ogiyaa waatidi akeekanau danddayii?

Isiyaasa 43:19

Be7ite, ha77i taani oorattabaa oottais; ikka ha77i mokkees. Intte hegaa erekketiiyye? Taani bazzon ogiyaa, mela biittankka shaafata kessana.

Isiyaasa 44:27

Taani haattaa ciimmatakka, 'Melite! Intte goggiya haattatakka melissana' yaagais.

Ermmaasa 39:12

“Baada Ermmaasa koya demmada, ayyo koshshiyaabaa ubbaa ootta; a bolli hara iitabaa aibanne oottoppa” yaagiis.

Daaneela 4:35

Sa7an de7iya asai ubbai ayyo aibanne gidenna. Saluwan de7iya kiitanchchatu bollinne sa7an de7iya asaa bolli i ba dosaa oottees. A kushiyaa teqqanau danddayiyaabi baawa, woikko a 'Ai oottai?' yaagidi oichchiyaabi baawa.

Yesuusi Kiittidoogeetu Oosuwaa 7:10

A waaye ubbaappekka a kessiis; qassi Gibxxe kawuwaa sinttankka nashuwaanne aadhdhida eratettaa ayyo immiis; Gibxxe kawoi Yooseefassi Gibxxe biittaanne ba keetta ubbaa haaranaadan, sunttatettaa immiis.

Ajjuutaa 16:12

Usuppuntta kiitanchchai ba keriyan de7iyaagaa wogga Efiraaxiisa giyo shaafan gussiis; gussin arshsho baggappe yaana kawotuyyo ogee giiganaadan, haattai meliis.

Ajjuutaa 16:4

Heezzantto kiitanchchai ba keriyan de7iyaagaa shaafatuuninne pulttotun gussiis; gussin eti suutta gididosona.