Leemiso Maxaafaa 20:12 - Wolaytta Bible

¹² Siyiya haittaanne xeelliya aifiyaanne, eta naa77aakka GODAI medhdhiis.

Leemiso Maxaafaa 20:12 Iomraidhean Croise

Mazamure Maxaafaa 119:18

Ne higgiyaa giddon de7iya maalaalissiya tumatettaa taani be7ana mala, ta aifiyaa poga.

Mazamure Maxaafaa 94:9

Haittaa wottida Xoossai siyennee? Aifiyaa medhdhidaagee be7ennee?

Kessaabaa 4:11

GODAI a, “Asaassi doonaa medhdhidaagee oonee? A duude, woikko tulle oottiyaagee oonee? Xeelliyaagaanne qooqe oottiyai oonee? Tana GODAA gidikkinaayye?

Leemiso Maxaafaa 25:12

Ezggiya uraa eranchcha asi zoriyo zoree haittan wottido worqqaa woikko geeshsha worqqaappe oottido alleequwaa mala.

Isiyaasa 29:18

He gallassi tulleti maxaafaa qaalaa siyana; lem77ilem77aappenne xumaappe kiyidi, qooqetu aifee xeellana.

Koiro Qoronttoosa 12:17

Bolla ubbai aife xalaala gidiyaakko, waatidi siyanau danddayii? Qassi bolla ubbai haitta xalaala gidiyaakko, waatidi singganau danddayii?