Leemiso Maxaafaa 2:6 - Wolaytta Bible

⁶ Aissi giikko, GODAI aadhdhida eratettaa immees; appe eratettainne akeekoi beettees.

Leemiso Maxaafaa 2:6 Iomraidhean Croise

Kawotu Maxaafaa Koiruwaa 10:24

Sa7an de7iya asai ubbai a sintti aadhdhanaunne Xoossai a wozanan wottido aadhdhida eratettaa siyanau koyees.

Kawotu Maxaafaa Koiruwaa 3:12

neeni oichchidoogaa taani oottana. Be7a, neeppe kase ne mali bainnaagaadan neeppe simminkka ne mali denddennaagaadan, aadhdhida eratettaanne akeeka wozanaa taani neeyyo immana.

Kawotu Maxaafaa Koiruwaa 3:9

Hegaa gishshau, taani ne asaa aissanaunne lo77uwaanne iitaa shaakkada eranau taayyo ne ashkkaraayyo akeeka wozanaa imma. Hegee xayikko, ha ne gita asaa ooni kaalettanau danddayii?” yaagiis.

Kawotu Maxaafaa Koiruwaa 4:29

Xoossai Solomonayyo aadhdhida eratettaa, akeekaanne zawi bainna aaho qofaa immiis.

Hanidabaa Odiya Koiro Maxaafaa 22:12

GODAI nena Israa7eela asaa bolli kawo oottiyo wode, GODAA ne Xoossaa higgiyaa naaganaadan, GODAI neeyyo aadhdhida eratettaanne akeekaa immo.

Izira Maxaafaa 7:25

“Nenoo Iziraa, neeni qassi, neeyyo Xoossai immido aadhdhida eratettaadan Efiraaxiisa SHaafaappe Arggo Bagga Biittan de7iya ne Xoossaa Higgiyaa eriya asaa bolli pirddana mala, daannatanne pirddiyaageeta suntta. Qassi he higgiyaa erennaageeti de7ikko, eta tamaarissite.

Nahimiyaa Maxaafaa 7:5

Hegaappe guyyiyan, asaa kaalettiyaageeta, halaqatanne asa ubbaa shiishshada eta yeletaa maaran maaran mazggafana mala, Xoossai tana qofissiis. Omooduwaappe kasetidi simmida asaa yeletaa maaraa maxaafaakka demmaas; he maxaafan xaafettidaagee hagaa.

Iyyooba Maxaafaa 12:13

Xoossaassi aadhdhida eratettainne wolqqai de7ees; zoreenne akeekai an beettees.

Iyyooba Maxaafaa 12:16

“Minotettainne xoonoi Xoossaagaa; cimettiyaageenne cimmiyaageenne naa77aikka appe garssaara de7oosona.

Iyyooba Maxaafaa 22:22

A doonaappe timirttiyaa ekka; a qaalatakka ne wozanan wotta.

Iyyooba Maxaafaa 32:8

SHin asa giddon aqidi, aadhdhida eratettaa asassi immiyaagee Ubbaa Danddayiya Xoossaa Ayyaanaa.

Mazamure Maxaafaa 119:104

Ne wogaappe akeekaa demmaas; hegaa gishshau, taani geella oge ubbaa ixxais.

Mazamure Maxaafaa 119:34

Taani ne higgiyaa naagana malanne ta kumetta wozanaappe taani au azazettana mala, neeni taayyo akeekaa imma.

Mazamure Maxaafaa 119:98

Ne azazoti ubba wodekka tanaara de7iyo gishshau, eti tana ta morkketuppe aadhdhida eranchcha kessoosona.

Mazamure Maxaafaa 19:7

GODAA higgee suure; shemppuwaa zaarees. GODAI yootiyoogee ammanettiyaagaa; akeekai paccidoogeetussi eratettaa immees.

Mazamure Maxaafaa 19:8

GODAA wogai likke; wozanaa ufaissees. GODAA azazoi geeshsha; wozanaa poo7issees.

Mazamure Maxaafaa 51:6

Hekko neeni wozana giddo tumatettaa amottaasa; hegaa gishshau, ne aadhdhida eratettaa tana tamaarissa.

Mazamure Maxaafaa 94:10

Kawotettaa seeriyaagee qaxxayennee? Asaa eraa tamaarissiyaagee bau erennee?

Kessaabaa 31:3

A taani Xoossaa Ayyaanan, hiillan, akeekaaninne ooso ubbaa oottiyo eran kunttaas;

Leemiso Maxaafaa 6:23

Aissi giikko, ha azazoti xomppe; timirttetikka poo7o; qassi seeraikka de7uwaakko efiya oge.

Eranchchaa Maxaafaa 2:26

Xoossaa ufaissiya uraassi Xoossai cinccatettaa, eratettaanne ufaissaa immees; nagaranchchaassi mati i daafuridi shiishshanaadan, daafuraa immees; shin i shiishshidoogaa Xoossai ekkidi, baayyo yayyiyaagau harau immees. Hegaa gishshau, ha ubbaikka hadanne carkkuwaa oiqqanau yedettiyoogaa mala.

Isiyaasa 54:13

Ne attuma naata ubbaa GODAI tamaarissana; ne naatu sarotettaikka darana.

Isiyaasa 8:20

Higgiyaanne GODAI yootiyoobaa siyite! He asati ha qaalaadan haasayana xayikko, etau sa7ai wonttenna.

Daaneela 1:17

Ha oiddu yelagatuyyo Xoossai eraanne ubba qommo xifateenne timirttee geliyo akeekaa immiis. Daaneeli qassi ajjuutaanne aimuwaa ubbaa birshshettaa erees.

Daaneela 2:21

Wodetanne aginata i laammees. Kawota kawotettaappe diggees; qassi kawota kawotettan utissees. Aadhdhida eranchchatuyyo aadhdhida eraa, akeekiyaageetuyyookka eraa i immees.

Daaneela 2:23

Abeet ta maizza aawatu Xoossau, taani nena galataisinne sabbais. Aissi giikko, neeni taayyo aadhdhida eraanne wolqqaa immadasa. Nuuni nena oichchidoogaa tana ha77i erissadasa. Kawuwaa aimuwaa nuna erissadasa” yaagiis.

Luqaasa 21:15

Aissi giikko, intte morkketuppe ooninne inttenaara eqettanaunne palamettanau danddayenna haasayaa minotettaanne aadhdhida eratettaa taani inttessi immana.

Yohaannisa 6:45

Hananabaa yootiyaageeti, ‘Xoossai asa ubbaa tamaarissana’ yaagidi xaafidosona; Aawai giyoogaa siyiyaageenne Aawaappe tamaariyaagee ooninne taakko yees.

Yaaqooba 1:17

Lo77o imo ubbainne kumetta woito ubbai saluwaappe yees. Saluwaa poo7uwaa medhdhida Xoossaappe yees; Xoossai ba huuphen dummatennanne woi mirqqidi xumissenna.

Yaaqooba 1:5

SHin intteppe ooninne baayyo aadhdhida eratettai xayikko, borennan ubbau kehatettan immiya Xoossaa woosso. I ayyo immana.