Leemiso Maxaafaa 2:3 - Wolaytta Bible

³ Eratettaa xeesa; akeekaassikka xoqqu oottada alaaha.

Leemiso Maxaafaa 2:3 Iomraidhean Croise

Hanidabaa Odiya Koiro Maxaafaa 22:12

GODAI nena Israa7eela asaa bolli kawo oottiyo wode, GODAA ne Xoossaa higgiyaa naaganaadan, GODAI neeyyo aadhdhida eratettaanne akeekaa immo.

Mazamure Maxaafaa 119:125

Taani ne ashkkaraa; neeni yootiyoobaa taani erana mala, akeekaa taayyo imma.

Mazamure Maxaafaa 119:169

Abeet GODAU, ta waasoi ne sintti gakko; neeni giido qaalaadan taayyo akeekaa imma.

Mazamure Maxaafaa 119:34

Taani ne higgiyaa naagana malanne ta kumetta wozanaappe taani au azazettana mala, neeni taayyo akeekaa imma.

Mazamure Maxaafaa 119:73

Tana ne kushee medhdhiisinne giigissiis. Ne azazuwaa taani tamaarana mala, taayyo akeekaa imma.

Leemiso Maxaafaa 2:2

Aadhdhida eratettaa ezgga; ne wozanaappe akeeka.

Leemiso Maxaafaa 2:4

Asi biraa woikko qosido miishshaa koyiyoogaadan, neeni eratettaa koya.

Leemiso Maxaafaa 3:6

Neeni oottiyo ooso ubban a sinttaya; i nena likke ogiyaa kaalettana.

Leemiso Maxaafaa 4:1

Ta naatoo, intte aawaa zoriyaa siyite; loitti ezggite; yaatikko, intte akeekana.

Leemiso Maxaafaa 8:17

“Taani tana siiqiyaageeta siiqais; tana minttidi koyiyaageetikka demmana.

Luqaasa 11:13

Intte iita gidiiddi, intte naatussi lo77obaa immiyoogaa erikko, yaatin saluwan de7iya Aawai bana woossiyaageetussi Geeshsha Ayyaanaa waati darissidi immanddeeshsha?” yaagiis.

Yaaqooba 1:5

SHin intteppe ooninne baayyo aadhdhida eratettai xayikko, borennan ubbau kehatettan immiya Xoossaa woosso. I ayyo immana.