Leemiso Maxaafaa 2:22 - Wolaytta Bible

²² SHin iitati biittaappe xoqollettana; ammanttennaageetikka shodettidi xayana.

Leemiso Maxaafaa 2:22 Iomraidhean Croise

Kawotu Maxaafaa Koiruwaa 14:14

“Hegaappe guyyiyan Iyorbbaama keettaa asaa xoqolli xaissiya kawuwaa GODAI baayyo Israa7eela bolli denttana.

Hanidabaa Odiya Koiro Maxaafaa 10:13

Saa7ooli GODAASSI ammanettibeenna gishshau haiqqiis. GODAA qaalaa i naagibeenna; GODAARA zorettiyoogaa aggidi, moitilliyaa xeesiya asaara zorettiis. Hegaa gishshau, GODAI a woridi, a kawotettaa Isseya na7aa Daawitayyo aattidi immiis.

Iyyooba Maxaafaa 21:30

Eti, 'Iita asati bashshaa gallassi boshettennan attoosona; Xoossaa hanqqoi qoncciyo gallassikka eti kessi ekkana' yaagoosona.

Mazamure Maxaafaa 104:35

Nagaranchchati biittaappe xayona; hagaappe sinttau iitati de7oppona. Tanooshsho, GODAA galata! GODAA galatite!

Mazamure Maxaafaa 145:20

GODAI bana siiqiyaageeta ubbaa naagees; shin iitata ubbaa xaissana.

Mazamure Maxaafaa 37:20

SHin iita asati haiqqana. GODAA morkketi gam77enna dembbaa ciishshaa mala; eti cuwaadan xayana.

Mazamure Maxaafaa 37:22

GODAN anjjettidaageeti biittaa laattana; shin qanggettidaageeti xoqolletti xayana.

Mazamure Maxaafaa 37:28

Aissi giikko, GODAI xillobaa dosees. Xoossaa asata i yeggenna; xilloti merinau naagettoosona. SHin iitatu zerettai xoqollettana.

Mazamure Maxaafaa 52:5

SHin Xoossai nena merinau xaissana. I nena diippananne ne keettaappe dafidi kessana; i nena paxa de7iyaageetu giddoppe xoqollana.

Mazamure Maxaafaa 52:7

“Xoossaa baayyo qato oottibeenna, ba duretettaa daruwan ammanettida, iita oosuwan minnida bitaniyaa hagaa be7ite!” yaagana.

Leemiso Maxaafaa 10:30

Xilloti mulekka xoqolettokkona; shin iitati biittaa bolli de7okkona.

Leemiso Maxaafaa 11:3

Xillota eta suuretettai kaalettees; shin ammanettennaageeta eta geellatettai xaissees.

Zaarettido Wogaa 29:20

GODAA hanqqoinne qanaatee hegaa mala asa bolli eexxi kiyanaappe attin, GODAI a maarenna. Ha maxaafan xaafettida qanggetta ubbai a bolli yaana; saloppe garssa baggaappe a sunttaa GODAI xaissana.

Zaarettido Wogaa 29:28

GODAI wolqqaama hanqquwaa hanqqettidi, eta biittaappe eta shoddidi, hagaadan hara biitti yedettiis' yaagana.

Zaarettido Wogaa 7:22

GODAI intte Xoossai he kawotettata guuttaa guuttaa xoqolliiddi, intte sinttappe xaissana. Intte eta ubbaa issi kuttan xaissekketa; hegaa intte oottikko, biittan de7iya do7ati daridi, inttena waissana.