Leemiso Maxaafaa 2:12 - Wolaytta Bible

¹² Aadhdhida eratettai nena iita asatu balaappe naagana; geellabaa haasayiyaageetuppekka ashshana.

Leemiso Maxaafaa 2:12 Iomraidhean Croise

Mazamure Maxaafaa 101:4

Wozanaa geellatettai taappe haakkana; iitatettaa taani erikke.

Mazamure Maxaafaa 141:4

Moorobaa oottiya asatuura iita oosuwaa oottenna mala, ta wozanaa iitabaakko zaaroppa. Eta yarshshuwaa gibiraakka tana mizoppa.

Leemiso Maxaafaa 10:32

Xillo asai bessiya haasayaa erees; shin iita asai geellaa haasayees.

Leemiso Maxaafaa 13:20

Aadhdhida eranchcha asatuura hemettiya asi aadhdhida eranchcha gidees; shin eeyya asatuura hemettiya asi metuwan gelees.

Leemiso Maxaafaa 23:33

Ne aifee be7i erennabaa be7ana; ne wozanaikka suure qoppanaunne haasayanau danddayenna.

Leemiso Maxaafaa 28:26

Banan ammanettiya asi eeyya; shin aadhdhida eratettan hemettiyaagee saro de7ees.

Leemiso Maxaafaa 3:32

Aissi giikko, GODAI iitaa oottiyaageeta ixxees; shin suuretuyyo i ulottees.

Leemiso Maxaafaa 6:12

Iita asinne hanttaara asi, yuuyi yuuyidi wordduwaa odees;

Leemiso Maxaafaa 8:13

Godaassi yayyiyoogee iitatettaa ixxiyoogaa; taani otoruwaanne ayyuwaa ixxais; iitasaa efiya ogiyaanne worddo haasayaa dosikke.

Leemiso Maxaafaa 9:6

Eeyyatettaa aggidi, shemppoora paxa de7ite; akeekaa ogiyan hemettite” yaagausu.

Koiro Qoronttoosa 15:33

Cimettoppite; iita laggetettai lo77o hanotettaa moorees.

Naa77antto Qoronttoosa 6:17

Hegaadankka, qassi Godai, “Eta giddoppe kiyite; etappe shaahettite. Tunabaakka bochchoppite. Taani inttena mokka ekkana.