Leemiso Maxaafaa 19:23 - Wolaytta Bible

²³ GODAASSI yayyiyoogee de7uwau kaalettees; assi yayyiya asi kallidi de7ees; iitabikka a bochchenna.

Leemiso Maxaafaa 19:23 Iomraidhean Croise

Mazamure Maxaafaa 103:17

SHin GODAAYYO yayyiyaageetuyyo aggenna a siiqoi merinaappe merinaa gakkanaassa. A xillotettainne naatu naata gakkanaassa.

Mazamure Maxaafaa 19:9

GODAASSI bonchchuwan yayyiyoogee lo77o yoho; hegee merinaukka eqqidi de7iyaagaa. GODAA pirddai tuma; i ubbatonkka xillo.

Mazamure Maxaafaa 25:13

I ubbatookka lo77o duussaa de7ana; a zerettati biittaa laattana.

Mazamure Maxaafaa 85:9

Tumukka Xoossaassi yayyiyaageeta ashshanau i matan de7ees; hegeenne, a bonchchoi nu biittan de7anaassa.

Mazamure Maxaafaa 90:14

Nu laittaa ubban nuuni ufaittanaadaaninne yexxanaadan, maallado maallado aggenna ne siiquwan nuna kalssa.

Mazamure Maxaafaa 91:10

iitabai nena bochchenna; boshaikka ne keettaa shiiqenna.

Mazamure Maxaafaa 91:16

Taani a bariyaa adussada kalssana; ta atotettaa a bessana” yaagees.

Leemiso Maxaafaa 10:27

GODAASSI yayyiyoogee bariyaa adussees; shin nagaranchcha uraa baree qaammees.

Leemiso Maxaafaa 11:19

Xillotettan minnidi de7iya uri paxa de7ana; shin iitatettaa kaalliya uri haiqqana.

Leemiso Maxaafaa 12:21

Xillota metoi gakkenna; shin iitatussi metoppe attin, harabi de7enna.

Leemiso Maxaafaa 19:22

Asappe koyettiyaagee aggenna siiquwaa; worddanchcha gidanaappe hiyyeesa gidiyoogee keha.

Leemiso Maxaafaa 22:4

Neeni ashkke gidikkonne GODAASSI yayyikko, duretettaa, bonchchuwaanne de7uwaa demmana.

Leemiso Maxaafaa 3:24

Neeni zin77ido wode, yayyakka; zin77adakka mal77o xiskkuwaa xiskkana.

Milkkiyaasa 4:2

SHin intteyyo, ta sunttaassi yayyiyaageetuyyo a qefiyaa giddon pattiyaabai de7iyo xillotettaa awai mokkana. Inttekka qashuwaappe yedettida anqqara galuwaadan buraaqana.

Maatiyoosa 5:6

Namisettiyaageetinne saamettiyaageeti kattaa haattaa koyiyoogaadan, xillobaa oottanau laamotiyaageeti anjjettidaageeta; aissi giikko, Xoossai eta kalissana.

Yesuusi Kiittidoogeetu Oosuwaa 9:31

Yihudan, Galiilaaninne Samaariyan ubban de7iya woosa keettati sarotettan de7idosona; qassi minnidosona; Godaassi yayyiyoogaaninne Geeshsha Ayyaanaa maaduwan heemettiiddi, qoodankka dari dari biidosona.

Roome 8:28

Xoossai bana siiqiyaageetuyyo, ba qoppidoogaa oottanau xeesidoogeetuyyo, yoho ubbaa lo77obau oottiyoogaa nuuni eroos.

Koiro Ximootiyoosa 4:8

Aissi giikko, asai ba bollaa minttiyoogee guuttaa go77ees. SHin Xoossaa milatiyoogan lohissiyoogee ha77ikka sinttappekka de7uwaa immana giyo gishshau, ubbabaukka go77ees.

Naa77antto Ximootiyoosa 4:18

Godai tana iitabaa ubbaappe ashshidi, ba saluwaa kawotettaa sarotettan efaana; ayyo meri merinau bonchchoi gido. Amin77i.