Leemiso Maxaafaa 19:2 - Wolaytta Bible

² Eri bainna minotai lo77o gidenna; hemettiiddi eesotiya uraikka wora bees.

Leemiso Maxaafaa 19:2 Iomraidhean Croise

Kawotu Maxaafaa Naa77anttuwaa 4:39

Etappe issoi santta milatiya bonccota maxidi ehaanau gade biis. Biidi mokkida gosiyaa turaa demmiis; demmidi tookkanau danddayiyoogaa keena daro gosiyaa ekkidi yiis. I aibakko erennan anccidi, keriyan yeggiis.

Iyyooba Maxaafaa 31:5

“Taani iitabaa mulekka oottabeikke; asakka cimmanau kajjeelabeikke.

Leemiso Maxaafaa 1:16

Aissi giikko, eti iitabaa oottanau woxxoosona; asaa suuttaa gussanau jaamoosona.

Leemiso Maxaafaa 10:21

Xillo uraa haasayai daro asaa go77ees; shin eeyyati bantta wozanaa pacan haiqqoosona.

Leemiso Maxaafaa 14:29

Danddayanchcha asaassi gita akeekai de7ees; shin elle hanqqettiya asi ba eeyyatettaa qonccissees.

Leemiso Maxaafaa 21:5

Mino oosanchchaa halchchoi dureyees; shin eesotiya ubbai hiyyeesana.

Leemiso Maxaafaa 25:8

Ne aifiyan be7idobaa markkattanau dabaabaa baanau eesotoppa; aissi giikko, neeni markkatta simmin, hara asi ne markkatettai bala gidiyoogaa qonccissikko, neeni yeellatana.

Leemiso Maxaafaa 28:20

Ammanettida urai daro anjjettana; shin duretanau jaamiyaagee qaxxayettennan attenna.

Leemiso Maxaafaa 28:22

Uuzettiya urai duretanau jaamees; bana hiyyeesatetti oiqqanaagaakka erenna.

Leemiso Maxaafaa 29:20

Eesuwan eesuwan haasayiya uraa be7a eraishsha? Appe eeyya uraassi sinttanau daro ufaissai de7ees.

Eranchchaa Maxaafaa 12:9

Eranchchaassi aadhdhida eratettai de7iyo gishshau, eratettaa dere asaa tamaarissiis. I daro leemisota pilggi qoridi, issuwaa issuwaa a maaran maaran dummayidi wottiis.

Eranchchaa Maxaafaa 7:9

Hanqqoi azallati haluwaa kiyanau go7ettiyo miishsha gidiyo gishshau, elle hanqqettoppa.

Isiyaasa 27:11

Mittaa tasheti meliyo wode meqerettoosona; maccaasaikka yiidi, eta eettanau efees. Ha asai akeeki bainna asa gidiyo gishshau, eta Medhdhidaagee etau qarettennanne maarenna.

Isiyaasa 28:16

Hegaa gishshau, Ubbaa Haariya GODAI hagaadan yaagees; “Be7ite, taani Xiyoonen baasuwaassi shuchchaa, paacettida shuchchaa, godaa xaphuwaa minttiya, al77o shuchchaa wottaas; aani ammaniya ooninne yeellatenna.

Hoose7a 4:6

Ta asai eratettai xayin bayiis. Intte eratettaa ixxido gishshau, taanikka intte tau qeese gidanaagaa ixxais. Intte Xoossaa higgiyaa intte dogido gishshau, taanikka intte naata dogana.

Yohaannisa 16:3

Eti hegaa intte bolli oottiyoogee tananne Aawaa erenna gishshassa.

Roome 10:2

aissi giikko, eti Xoossau oottanau keehi koyiyoogaa taani markkattais; shin eti Xoossau oottanau keehi koyiyo koshshai tumu eratettaappe gidenna.

Piliphphisiyuusa 1:9

Qassi taani intteyyo Xoossaa woossiyoogee hagaa; lo77obai aibakko dooranau intte danddayanaadaaninne, qassi intte siiqoi tumu eratettaaranne akeeka ubbaara issippe gujji gujji diccanaadan, Xoossaa woossais; yaatidi Kiristtoosi simmiyo gallassan intte suurenne borettennaageeta gidana.