Leemiso Maxaafaa 17:3 - Wolaytta Bible

³ Worqqainne birai taman paacettiyoogaadan, GODAI asaa wozanaa paaccees.

Leemiso Maxaafaa 17:3 Iomraidhean Croise

Hanidabaa Odiya Koiro Maxaafaa 29:17

“Ta Xoossau, neeni wozanaa paacciyoogaanne suuretettaa dosiyoogaa taani erais. Taani ta wozanaa suuretettan ta sheniyan hagaa ubbaa immaas. Ha sohuwan de7iya ne asaikka neeyyo ba sheniyan ufaissan immidoogaa taani be7aas.

Iyyooba Maxaafaa 23:10

SHin i ta tangguwaa ubbaa erees; i tana paaccikko, taani worqqaadan geeshsha gidiyoogaa i be7ana.

Iyyooba Maxaafaa 28:1

“Biraa bookki kessiyoosainne worqqaa geeshshanau seerissiyoosai de7ees.

Mazamure Maxaafaa 139:23

Abeet Xoossau, tana qorada, ta wozanaa era; tana paaccada, ta qofaa era.

Mazamure Maxaafaa 26:2

Abeet GODAU, tana paacca, tana qora; ta wozanaa kahaa xomoosa.

Mazamure Maxaafaa 66:10

Abeet Xoossau, neeni nuna qoradasa; biraa geeshshanau seerissiyoogaadan nuna paaccadasa.

Leemiso Maxaafaa 15:11

Harai attin, duufoikka bashshaikka GODAA sinttan qoncciyan beettoosona. Yaatin, asa wozanaa qofai waani appe geemmanee?

Leemiso Maxaafaa 16:2

Asi oottiyo ooso ubbai au likke milatees; shin GODAI koiro denddo qofaa yiggi xeellees.

Leemiso Maxaafaa 17:2

Cincca ashkkarai ba godaa na7aa pattenna laafaa haarees; yaatidi ishanttuura issippe laattees.

Leemiso Maxaafaa 21:2

Asi oottiyoobai ubbai aawussi likke milatees; shin GODAI a wozanaa qofaa paaccees.

Leemiso Maxaafaa 27:21

Birainne worqqai taman paacettidi geeyiyoogaadan, asikka ba ekkiyo galatan paacettees.

Isiyaasa 48:10

Be7a, taani nena paaccaas; shin biraadan gidenna; taani nena metuwaa taman paaccaas.

Ermmaasa 17:10

Taani GODAI asau ubbau a ogiyaadaaninne a oosuwaadan zaaranau, asaa wozanaa qoraisinne a kahaa paaccais” yaagees.

Hizqqeela 22:18

“Laa asa na7au, Israa7eela asai ainne pattenna toce mala; eti ubbaikka biraa seerissidi xillissiyo wode, toce gididi attiya nahaase, qorqqoro, biratanne irssaase mala.

Daaneela 11:35

Aadhdhida eranchchatuppe unddennaageeti xubettana. Hegaadan hanidi, wurssettaa wodee gakkanaashin, eti paacettidi kiyana, geeyananne boree bainnaageeta gidana. Aissi giikko, Xoossai keerido wodee biron gakkiichchibeenna.

Zakkaariyaasa 13:9

Ha attida heezzantto kushe asaa taani taman yeggana; yeggada birai taman geeyiyoogaadan, eta geeshshana; qassi worqqai paacettiyoogaadankka paaccana. Hegaappe guyyiyan, eti ta sunttan woossana; taanikka etayyo siyana. Taani, 'Hageeti ta asata' yaagana. Etikka, 'GODAI nu Xoossaa' yaagana” yaagees.

Zaarettido Wogaa 8:16

Ne maizza aawati erenna mannaa i nena mizidoogee nena ziqqi oottanaassanne nena paaccanaassa; i hegaa oottidoogee wurssettan neeyyo ubbabai lo77o gidanaassa.

Zaarettido Wogaa 8:2

GODAI ne Xoossai neeyyo immido azazuwaa ne naagiyaakko naagennaakko, ne wozanaa qofaa eranaayyo, nena paaccanaunne nena ziqqi oottanau, oitamu laittaa kumettaa i nena bazzuwan kaalettido oge ubbaa hassaya.

Koiro PHeexiroosa 1:7

Hegee harai atto, taman yeggin xayiya worqqappekka intte ammanoi daro al77onne bali bainnaagaa gidiyoogaa bessanaassa; yaatidi Yesuus Kiristtoosi beettiyo wode, galataa, bonchchuwaanne sabaa intte ekkana.

Ajjuutaa 2:23

Taani i naatakka worana; qassi woosa keetta ubbaikka taani asa qofanne amo eriyaagaa gidiyoogaa erana; taani intteyyo intte oosuwaa malaa immana.