Leemiso Maxaafaa 16:32 - Wolaytta Bible

³² Wolqqaama asa gidiyoogaappe, hanqqettanau eesotenna asa gidiyoogee lo77o; daro katamata olidi oiqqiyoogaappe, asi ba huuphiyaa haariyoogee aadhdhees.

Leemiso Maxaafaa 16:32 Iomraidhean Croise

Kawotu Maxaafaa Naa77anttuwaa 5:12

Damasqqo shaafati, Abaaninne Parifaari Israa7eelan de7iya shaafa ubbaappe kehokkonaayye? Yaatin taani etan meecettada geeyaichchikkinaa?” yaagiis. Yaagi hanqqettidi, guyye simmiis.

Mazamure Maxaafaa 103:8

GODAI qarettiyaagaanne maariyaagaa; i hanqqettanau eesotennaagaanne aggenna siiqoi dariyoogaa.

Leemiso Maxaafaa 14:29

Danddayanchcha asaassi gita akeekai de7ees; shin elle hanqqettiya asi ba eeyyatettaa qonccissees.

Leemiso Maxaafaa 15:18

Hanqqettiya asi ooshshaa kessees; shin hanqqettanau eesotenna asi ooshshaa irxxissees.

Leemiso Maxaafaa 16:19

Ayyiyaageetuura zuppetidi, omooduwaa shaakki ekkanaappe ashkke gididi, hiyyeesidi de7iyoogee keha.

Leemiso Maxaafaa 16:31

Puulummida huuphee bonchcho kallachcha; hegeekka beettiyoi xillo de7uwaa de7iina.

Leemiso Maxaafaa 16:33

Asi saamaa yeggees; shin GODAI ubbabaa battees.

Leemiso Maxaafaa 19:11

Aawussi de7iya aadhdhida eratettai hanqquwaa mitissees; moorida urau atto giyoogeekka bonchchissees.

Leemiso Maxaafaa 25:15

Danddayanchcha asi deriyaa haariyaagau odidi maizzees; liiqo qaalai meqettaa kanttidi gelees.

Leemiso Maxaafaa 25:28

Ba huuphiyaa naagenna asi dirssai meqqido katamaa mala.

Eranchchaa Maxaafaa 7:8

Ai yohuwaassi gidikkonne, doomettaappe wurssettai keha; qassi otoranchcha uraappekka danddayanchcha urai keha.

Eranchchaa Maxaafaa 7:9

Hanqqoi azallati haluwaa kiyanau go7ettiyo miishsha gidiyo gishshau, elle hanqqettoppa.

Roome 12:21

Iitabaa lo77oban xoonappe attin, iitabai nena xoonoppo.

Efisoona 5:1

Simmi Xoossai siiqiyo naatudan, a milatite.

Yaaqooba 1:19

Hegaa gishshau, ta siiqo ishatoo, hagaa hassayite; asai ubbai siyanau eesoto; shin haasayanaunne hanqqettanau eesotoppo.

Ajjuutaa 3:21

Qassi taani xoonada ta Aawaara a kawotaa araatan uttidoogaadan, xoonida urau tanaara ta kawotaa araatan uttiyo alaafetettaa immana.