Leemiso Maxaafaa 15:25 - Wolaytta Bible

²⁵ GODAI otoranchchatu keettaa qolana; shin am77ee aquwaa naagees.

Leemiso Maxaafaa 15:25 Iomraidhean Croise

Iyyooba Maxaafaa 24:21

Aissi giikko, eti na7i bainna maine maccaasaa naaqqidosona; am77e maccaasaakka maaddennan ixxidosona.

Mazamure Maxaafaa 10:14

SHin Xoossau, neeni tumukka be7aasa; metuwaakka waayiyaakka xeellaasa. Neeni ubba wode nuna maaddanaassi giiga uttadasa. Aawai bainnaageeta neeni maaddiyo gishshau, hiyyeesai woikko qohettidaagee neeni maaddanaadan bana neeyyo sheedhdho.

Mazamure Maxaafaa 138:6

GODAI bolla xoqqan de7ikkokka, hiyyeesata keha aifiyan xeellees. SHin otoranchchata i haahuwan erees.

Mazamure Maxaafaa 146:9

GODAI beteta naagees. Am77etanne aawai bainna naata maaddees; shin iitatu ogiyaa halissees.

Mazamure Maxaafaa 52:1

Nenoo, wolqqaama bitaniyau, Xoossaa asatu bolli iitabaa oottiyoogan, gallassa ubban aissi ceeqettai?

Mazamure Maxaafaa 52:5

SHin Xoossai nena merinau xaissana. I nena diippananne ne keettaappe dafidi kessana; i nena paxa de7iyaageetu giddoppe xoqollana.

Leemiso Maxaafaa 12:7

Iita asati kunddana; etau zerettikka attenna; shin xillotu zerettai minnidi de7ana.

Leemiso Maxaafaa 14:11

Iitatu keettai qolettana; shin suuretu keettai minnidi de7ana.

Leemiso Maxaafaa 15:26

GODAI iitatu qofaa shenetees; shin geeshsha qaalai a ufaissees.

Leemiso Maxaafaa 23:10

Beni zawaa shoddoppa; qassi aawi bainna naatu gadiyaa zawaa sugoppa;

Isiyaasa 1:17

lo77obaa oottanau tamaarite. Xillo pirddaa koyite; un77ettidaageetu morggiyaa oiqqite. Aawu bainnaageetuyyo pirddite; azini haiqqido maccaasatuyyo mootettite” yaagees.

Isiyaasa 2:12

Ubbaappe Wolqqaama GODAI issi gallassaa keeriis. He gallassi otorettiyaageeta, ayyiyaageetanne xoqqu xoqqu giidaageeta kaushshana;

Ermmaasa 5:28

Eti orddenne modhdho gididi diccidosona. Eta iita oosuwaassi zawai baawa. Eti aawi bainna naata shatinttanau eta gishshaa mootettokkona; hiyyeesatu maataakka naagibookkona.

Daaneela 5:20

SHin i otorettido wodenne a wozanai muumido wode, ba kawotaa araataappe wodhdhiis; a bonchchoikka qaarettiis.

Zaarettido Wogaa 19:14

“GODAI intte Xoossai intte laattanaadan immiyo biittan, beni asai essido ne shooruwaa biittaa zawaa shoddoppa.

Yaaqooba 1:27

Xoossaa Aawaa sinttan pokkoi bainna geeshsha ammanoi hagaa; hegee augee giikko, aaya aawi bainna naatanne waayettiya am77eta maaddanaagaanne sa7aa nagaraa qitaappe ba huuphiyaa naaganaagaa.

Koiro PHeexiroosa 5:5

Hegaadankka yelaga asatoo, cimatuyyo haarettite. Ubbaikka issoi issuwau oottanau intte huuphiyaa kaushshiyoogaa afaladan maayite. Aissi giikko, Xoossai otorettiyaageeta ixxees; shin banttana kaushshiyaageetuyyo aaro kehatettaa immees.