Leemiso Maxaafaa 14:3 - Wolaytta Bible

³ Eeyyaa haasayai a zokkuwaassi gatimaa ehees; shin aadhdhida eranchchatu inxxarssai eta naagees.

Leemiso Maxaafaa 14:3 Iomraidhean Croise

Iyyooba Maxaafaa 5:21

I nena inxxarssaa lissuwaappe genttana; bashshai gakkiyo wodekka yayyakka.

Mazamure Maxaafaa 12:3

Abeet GODAU, ha sheleeshshiya doonaa bara. Otoruwan, “Nuuni nu inxxarssan xoonana; nu inxxarssai nuugaa; nu godai oonee?” yaagidi, ceeqettiya inxxarssa ubbaa neeni qanxxa ola.

Mazamure Maxaafaa 31:18

Otoruwaaninne kariyan xillotu bolli xalidi haasayiyo gishshau, eta worddotiya doonaa co77u ootta.

Mazamure Maxaafaa 57:4

Taani ta morkketu giddon, asaa dafidi miya gaammo malatu giddon de7ais. Eta achchai tooraanne wonddafiyaa zubbiyaa mala; eta inxxarssai qara biso mala.

Leemiso Maxaafaa 12:6

Iitatu haasayai asa woranaassa; shin xillotu haasayai eta ashshees.

Leemiso Maxaafaa 13:3

Ba doonaa naagiya urai ba shemppuwaa naagees; shin eesuwan haasayiya urai bana xaissees.

Leemiso Maxaafaa 14:4

Boorati bainnasan gootarai mela de7ees; shin neeyyo goyiyo wolqqaama boorati de7ikko, ne gootaran kattai kumees.

Leemiso Maxaafaa 18:6

Eeyya asi ba haasayan ooshshaa denttees; a doonaappe kiyiya qaalai a warissees.

Leemiso Maxaafaa 18:7

Eeyya asi, haasayiiddi bana qohees; a haasayai gite gididi, a oiqqees.

Leemiso Maxaafaa 21:24

Otorettiyanne ayyiya asi qilliicciyaagaa geetettees; i otoranchcha gidido gishshau, asau qoppenna.

Leemiso Maxaafaa 22:8

Nagaraa zeriya urai waayiyaa cakkees; harata i tuggayiyo tuggaikka attees.

Leemiso Maxaafaa 28:25

Yaaretiya urai ooshshaa denttees; shin GODAN ammanettiyaagee kallees.

Daaneela 7:20

Qassi ha do7aa huuphiyan de7iya tammu kacetubaanne qassi guyyeppe kiyidi, etappe heezzata xoqolli olida qeeri kaciyaabaakka eranau koyaas. He qeeri kaciyaassi aifetinne otoro qaalaa haasayiya inxxarssai de7ees. He kacee hankkootu ubbaappe aadhdhi yashshiyaagaa.

Naa77antto PHeexiroosa 2:18

Aissi giikko, eti hadanne otoro haasayaa hasayoosona; balan de7iya asaappe kessi ekkiyaageeta shaaramuxanau qaaqqatiyo amuwan cimmoosona.

Ajjuutaa 12:11

Nu ishantti Dorssaa suuttaaninne bantta tumu markkatettan miimminttiyaara olettidi xoonidosona. Qassi eti bantta shemppuwaa aatti immiyoogau qarettibookkona.

Ajjuutaa 3:10

Neeni genccanau ta azazuwaa naagido gishshau, sa7an de7iya asaa paaccanau kumetta sa7aa bolli yiya waaye wodiyaappe taanikka nena naagana.

Sameela Maxaafaa Koiruwaa 2:3

“Otoro haasayaa aggite; otoro qaalai intte doonaappe kiyoppo. Aissi giikko, GODAI eriya Xoossaa; asa ooso i yiggi xeellees.