Leemiso Maxaafaa 14:22 - Wolaytta Bible

²² Iitabaa maqettiyaageeti baloosona gidokkonaa? SHin lo77obaa oottanau halchchiyaageeti tumatettaanne aggenna siiquwaa demmoosona.

Leemiso Maxaafaa 14:22 Iomraidhean Croise

Doomettaabaa 24:27

hagaadan yaagiis; “Ta godaayyo kehiyoogaanne ammanettiyoogaa aggibeenna GODAI, ta godaa Abrahaama Xoossai galatetto! Taani yiishin, GODAI tana ta godaa dabbotu soo kaalettiis” yaagiis.

Hanidabaa Odiya Naa77antto Maxaafaa 6:8

SHin GODAI ta aawaa Daawita, 'Neeni ta sunttaayyo Beeta Maqidase keexxanau ne wozanan qoppido gishshau, lo77obaa oottadasa.

Mazamure Maxaafaa 25:10

GODAA maachchaanne a awaajjuwaa naagiyaageetayyo a ogee ubbai tumatettanne aggenna siiqo.

Mazamure Maxaafaa 36:4

I ba hiixan de7iiddikka genebaa oottanau halchchees. I lo77o gidenna ogiyan eqqiis; i iitabaa ixxenna.

Mazamure Maxaafaa 61:7

I Xoossaa sinttan merinau kawoto; aggenna ne siiquwaaninne ne tumatettan neeni a naaga.

Leemiso Maxaafaa 12:2

Lo77o asi GODAAPPE sabaa demmees; shin GODAI genanchchata pirddees.

Leemiso Maxaafaa 12:26

Xillo asi ba shooruwaa zoridi, suure ogiyaa kaalettees; shin iitatu ogee tumaappe haassees.

Leemiso Maxaafaa 14:17

Elle hanqqettiya asati eeyya ooso oottoosona. SHin cinccati danddayanchcha.

Leemiso Maxaafaa 14:23

Minnidi oottidoban ubban go77ai de7ees; shin coo mela haasayai hiyeesatetta xalaalaa ehees.

Leemiso Maxaafaa 19:22

Asappe koyettiyaagee aggenna siiquwaa; worddanchcha gidanaappe hiyyeesa gidiyoogee keha.

Leemiso Maxaafaa 24:8

Iitaa oottanau halchchiya urai genanchcha geetettana.

Leemiso Maxaafaa 3:29

Nenan ammanettidi, ne matan de7ishin, ne shooruwaa bolli iitabaa oottanau halchchoppa.

Leemiso Maxaafaa 3:3

Aggenna siiqoinne tumatettai neeppe haakkoppona; eta ne qooriyan qachcha; ne wozanankka eta xaafa.

Leemiso Maxaafaa 6:14

A uluwan geellatettai de7ees; i iitabaa qoppees; ubbatookka i ooshshaa medhdhees.

Mikiyaasa 2:1

Iitabaa halchchiyaageetuyyo, qassi bantta hiixan de7iiddi, palabaa waati oottanaakko qoppiyaageetuyyo aayye7ana! Wolqqai eta kushiyan de7iyo gishshau, sa7ai wonttiyo wode, bantta halchchuwaa poloosona.

Maatiyoosa 5:7

Maariyaageeti anjjettidaageeta; aissi giikko, Xoossai eta maarana.

Yohaannisa 1:17

Aissi giikko, Xoossai higgiyaa Muuse baggaara immiis; shin aaro kehatettainne tumatettai Yesuus Kiristtoosa baggaara yiis.

Yaasu Maxaafaa 2:14

Yaagin he asati, “Nuuni oottidobaa neeni odennan aggin, nuuni neeyyo caaqqido caaquwaa polana xayikko, Xoossai nuna woro! GODAI ha biittaa nuuyyo immiyo wode, nuuni neeyyo ammanettananne kehana” yaagidosona.